ပင်စင်ဦးစီးဌာန၏ လုပ်ငန်းကျွမ်းကျင်မှုသင်တန်း အမှတ်စဉ် (၂/၂၀၂၂) ဖွင့်ပွဲအခမ်းအနားအား ၁၄-၃-၂၀၂၂ ရက်နေ့ (တနင်္လာနေ့) တွင် ရုံးအမှတ် (၃၄)၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါ အခမ်းအနားသို့ ညွန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူး ဦးမင်းဇော်ဝင်း၊ သက်ဆိုင်ရာဌာနခွဲ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများနှင့် သင်တန်းသူ/သားများမှ တက်ရောက်ခဲ့ပါသည်။ ပင်စင်ဦးစီးဌာနတွင် တာဝန်ထမ်းဆောင်နေသော ဒုတိယဦးစီးမှူးနှင့် စိစစ်ရေးမှူး (၄) များ ပင်စင်ဆိုင်ရာလုပ်ငန်းများနှင့် ရုံးလုပ်ငန်းများ ကျွမ်းကျင်မှုရှိစေရေး ရည်ရွယ်ချက်ဖြင့် သင်တန်းစီမံချက်ရေးဆွဲကာ ၃၁-၃-၂၀၂၂ ရက်နေ့အထိ သင်တန်း ပေးအပ်သွားမည်ဖြစ်ပါသည်။
