ညွှန်ကြားရေးမှူးချုပ်မှ ပင်စင်ဦးစီးဌာန၊ ရှမ်းပြည်နယ်ဦးစီးမှူးရုံးသို့ ရုံးလုပ်ငန်းများ သွားရောက်စစ်ဆေးခြင်း

ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ ၁၁-၁၀-၂၀၂၂ ရက်နေ့တွင် ပင်စင်ဦးစီးဌာန၊ ရှမ်းပြည်နယ်ဦးစီးမှူးရုံးသို့ ရုံးလုပ်ငန်းများ သွားရောက်စစ်ဆေး၍ ဝန်ထမ်းများနှင့်တွေ့ဆုံကာ ပင်စင်ကိစ္စရပ်များနှင့် ရုံးလုပ်ဆိုင်ရာကိစ္စရပ်များ ဆောင်ရွက်မှုနှင့် စပ်လျဉ်း၍ လမ်းညွှန်မှာကြားခဲ့ပါသည်။ ဆက်လက်၍ မြန်မာ့စီးပွားရေးဘဏ် (ရှမ်းပြည်နယ်) သို့ သွားရောက်၍ ပြည်နယ်မန်နေဂျာ၊ ခရိုင်မန်နေဂျာ၊ မြို့နယ်မန်နေဂျာနှင့် ဘဏ်ဝန်ထမ်းများနှင့်တွေ့ဆုံကာ ပင်စင်ဆိုင်ရာကိစ္စရပ်များနှင့် စပ်လျဉ်း၍ ညှိနှိုင်းဆွေးနွေးခဲ့ပါသည်။

ညွှန်ကြားရေးမှူးချုပ်မှ ရုံးလုပ်ငန်းဆောင်ရွက်ထားရှိမှုအား စစ်ဆေးစဉ်

 

ညွှန်ကြားရေးမှူးချုပ်မှ ရုံးလုပ်ငန်းဆောင်ရွက်ထားရှိမှုအား စစ်ဆေးစဉ်

 

ညွှန်ကြားရေးမှူးချုပ်မှ ရုံးခန်းများအတွင်း လှည့်လည်စစ်ဆေးစဉ်

 

ညွှန်ကြားရေးမှူးချုပ်မှ ဝန်ထမ်းအား လမ်းညွှန်မှာကြားစဉ်

 

မြန်မာ့စီးပွားရေးဘဏ် (ရှမ်းပြည်နယ်) သို့ သွားရောက်ကာ ဘဏ်ဝန်ထမ်းများနှင့် တွေ့ဆုံစဉ်

 

ဘဏ်ဝန်ထမ်းများနှင့် ပင်စင်ဆိုင်ရာကိစ္စရပ်များ တွေ့ဆုံညှိနှိုင်းစဉ်

 

ဘဏ်ဝန်ထမ်းများနှင့် ပင်စင်ဆိုင်ရာကိစ္စရပ်များ တွေ့ဆုံညှိနှိုင်းစဉ်

 

အကောင်အထည်ဖော်ရေးလုပ်ငန်း အထောက်အကူပြုဆပ်ကော်မတီနှင့် ဝန်ထမ်းနောင်ရေး ဗဟိုရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီတို့၏ (၂/၂၀၂၂) ကြိမ်မြောက် အစည်းအဝေး ကျင်းပခြင်း

အကောင်အထည်ဖော်ရေးလုပ်ငန်း အထောက်အကူပြုဆပ်ကော်မတီနှင့် ဝန်ထမ်းနောင်ရေး ဗဟိုရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ၏ (၂/၂၀၂၂) ကြိမ်မြောက် အစည်းအဝေးကို ၈-၉-၂၀၂၂ရက်နေ့၊ နေ့လယ် (၁၄:၀၀) နာရီတွင် စီမံကိန်းနှင့် ဘဏ္ဍာ ရေးဝန်ကြီးဌာန၊ ရုံးအမှတ် (၃၄) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ အကောင်အထည်ဖော်ရေးလုပ်ငန်း အထောက်အကူပြု ဆပ်ကော်မတီနှင့် ဝန်ထမ်းနောင်ရေး ဗဟို ရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီတို့၏ ဥက္ကဋ္ဌ၊ ပင်စင် ဦးစီးဌာန၊ညွှန်ကြားရေးမှူးချုပ် ဦးရဲညွန့်နှင့် ဆပ်ကော်မတီဝင်များ တက်ရောက်ခဲ့ပါသည်။ အစည်း အဝေးတွင် ဆပ်ကော်မတီများ၏ ဥက္ကဋ္ဌ၊ ပင်စင်ဦးစီးဌာန ညွှန်ကြားရေးမှူးချုပ် ဦးရဲညွန့်က အဖွင့် အမှာစကားပြောကြား၍ ပင်စင်စနစ်ပြုပြင်ပြောင်းလဲရေးဌာနခွဲ၊ ညွှန်ကြားရေးမှူး ဦးမိုးကြည်က ပင်စင်စနစ်ပြုပြင်ပြောင်းလဲရေး လုပ်ငန်းဆောင်ရွက်မှု အခြေအနေများနှင့် စပ်လျဉ်း၍ ရှင်းလင်းဆွေး နွေးတင်ပြခဲ့ပါသည်။ ထို့နောက် အစည်းအဝေးသို့ တက်ရောက်လာကြသော အကောင်အထည်ဖော် ရေးလုပ်ငန်း အထောက်အကူပြု ဆပ်ကော်မတီဝင်များ နှင့် ဝန်ထမ်းနောင်ရေး ဗဟိုရန်ပုံငွေ ဥပဒေ ကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီဝင်များက ဆွေးနွေးညှိနှိုင်းခြင်း များနှင့် အကြံပြုမှတ်ချက်ပေးခြင်းများ ဆောင်ရွက်ခဲ့ကြပါသည်။ ဆက်လက်၍ ဆပ်ကော်မတီများ၏ ဥက္ကဋ္ဌ၊ ပင်စင်ဦးစီးဌာန၊ ညွှန်ကြား‌ရေးမှူးချုပ်မှ နိဂုံးချုပ် အမှာစကားပြောကြားပြီး အစည်းအဝေးကို ညနေ (၄:၁၀)နာရီတွင် ရုပ်သိမ်းခဲ့ပါသည်။

ဆပ်ကော်တီ ဥက္ကဋ္ဌမှ အဖွင့်အမှာစကားပြောကြားစဉ်

 

ဆပ်ကော်တီ ဥက္ကဋ္ဌမှ အဖွင့်အမှာစကားပြောကြားစဉ်

 

ပင်စင်စနစ်ပြုပြင်ပြောင်းလဲရေးဌာနခွဲ၊ ညွှန်ကြားရေးမှူးမှ ရှင်းလင်းတင်ပြစဉ်

 

နိုင်ငံတော်စီမံအုပ်ချုပ်ရေးကောင်စီရုံး၊ ညွှန်ကြားရေးမှူးမှ ဆွေးနွေးစဉ်

 

မြန်မာ့စီးပွားရေးဘဏ်၊ ဒုတိယအထွေထွေမန်နေဂျာမှ ဆွေးနွေးစဉ်

 

ငွေတိုက်ဦးစီးဌာန၊ ညွှန်ကြားရေးမှူးမှ ဆွေးနွေးစဉ်

 

ငွေရေးကြေးရေးကြီးကြပ်စစ်ဆေးရေးဦးစီးဌာန၊ ညွှန်ကြားရေးမှူးမှ ဆွေးနွေးစဉ်

 

ကုသရေးဦးစီးဌာန၊ ညွှန်ကြားရေးမှူးမှ ဆွေးနွေးစဉ်

 

လူမှုဝန်ထမ်းဦးစီးဌာန၊ ညွှန်ကြားရေးမှူးမှ ဆွေးနွေးစဉ်

 

မြန်မာနိုင်ငံတော်ဗဟိုဘဏ်၊ ညွှန်ကြားရေးမှူးမှ ဆွေးနွေးစဉ်

 

ဥပဒေရေးရာဝန်ကြီးဌာန၊ ဒုတိယညွှန်ကြားရေးမှူးမှ ဆွေးနွေးစဉ်

ပြည်တွင်း၌ဖွင့်လှစ်သော သင်တန်းများ တက်ရောက်ခြင်းအတွက် ကတိခံဝန်ချုပ်ချုပ်ဆိုရန်ကိစ္စနှင့် စပ်လျဉ်း၍ မူဝါဒအစည်းအဝေးကျင်းပခြင်း

၂၃-၉-၂၀၂၁ ရက်နေ့တွင် ကျင်းပပြုလုပ်သည့် စီမံကိန်းနှင့်ဘဏ္ဍာရေးဝန်ကြီးဌာန၊ စီမံခန့်ခွဲရေးကော်မတီ (၁၁/၂၀၂၀-၂၀၂၁) ကြိမ်မြောက် အစည်းအဝေး၏ လမ်းညွှန်ချက်ဖြင့် “ပြည်တွင်း၌ ဖွင့်လှစ်သော သင်တန်းများတက်ရောက်ခြင်းအတွက် ကတိခံဝန်ချုပ်ချုပ်ဆိုရန် ကိစ္စနှင့် စပ်လျဉ်းသော မူဝါဒအစည်း အဝေး” ကို ပင်စင်ဦးစီးဌာန၏ ညွှန်ကြားရေးမှူးချုပ် ဦးရဲညွန့်မှ ဦးဆောင်၍ ၃၀-၉-၂၀၂၁ ရက်နေ့ နံနက် (၁၀:၀၀)နာရီတွင် ရုံးအမှတ်(၃၄)၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးတွင် ပင်စင်ဦးစီးဌာန၏ ညွှန်ကြားရေးမှူးချုပ် ဦးရဲညွန့်နှင့် စီမံကိန်းနှင့်ဘဏ္ဍာရေးဝန်ကြီးဌာနအောက်ရှိ ဦးစီးဌာန/ လုပ်ငန်းအဖွဲ့အစည်း (၁၇)ခု ၏ တက်ရောက်လာသူများမှ ပြည်တွင်း၌ဖွင့်လှစ်သော သင်တန်း များတက်ရောက်ခြင်းအတွက် ကတိခံဝန်ချုပ်ချုပ်ဆိုရန် ကိစ္စနှင့် စပ်လျဉ်းသော မူဝါဒပိုင်းဆိုင်ရာများ အား အပြန်အလှန် ဆွေးနွေးညှိနှိုင်း ဆောင်ရွက်ခဲ့ပါသည်။

ရုံးချုပ်နှင့် ပြည်ထောင်စုနယ်မြေ၊တိုင်းဒေသကြီး/ပြည်နယ်ဦးစီးရုံးများ လုပ်ငန်းညှိနှိုင်းအစည်းအဝေးကျင်းပခြင်း

ပင်စင်ဦးစီးဌာန၏ ရုံးချုပ်(နေပြည်တော်)နှင့် ပြည်ထောင်စုနယ်မြေ၊ တိုင်းဒေသကြီး/ ပြည်နယ် ဦးစီးရုံးများ၏ လုပ်ငန်းညှိနှိုင်းအစည်းအဝေးကို ၂၈-၉-၂၀၂၁ ရက်နေ့၊ နံနက် (၁၀:၀၀)နာရီတွင် ပင်စင်ဦးစီးဌာန၏ အစည်းအဝေးခန်းမ၌ Video Conferencing စနစ်ဖြင့် ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာန၏ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ သက်ဆိုင်ရာဌာနခွဲညွှန်ကြားရေးမှူးများနှင့် ပြည်ထောင်စုနယ်မြေ၊ တိုင်းဒေသကြီး/ ပြည်နယ်ဦးစီးမှူးများ တက်ရောက်ခဲ့ပါသည်။ အစည်းအဝေးတွင် ညွှန်ကြားရေးမှူးချုပ် ဦးရဲညွန့်မှ ဝန်ကြီးဌာန၏ ညွှန်ကြားချက်များ၊ လုပ်ငန်းလမ်းညွှန်ချက်များ ပြောကြားပါခဲ့သည်။ ပြည်ထောင်စု နယ်မြေ၊ တိုင်းဒေသကြီး/ပြည်နယ်ဦးစီးမှူးများမှလည်း ဆောင်ရွက်နေသော လုပ်ငန်းစဉ်အခြေအနေ များ၊ အခက်အခဲများနှင့် လိုအပ်ချက်များအား ရှင်းလင်းတင်ပြခဲ့ပါသည်။ ဆက်လက်၍ ညွှန်ကြားရေးမှူး ချုပ် နှင့် ဒုတိယညွှန်ကြားရေးမှူးချုပ်မှ လိုအပ်သည်များ ဖြည့်စွက်လမ်းညွှန်မှာကြားခဲ့ပါသည်။

ဒုတိယညွှန်ကြားရေးမှူးချုပ်မှ ရုံးလုပ်ငန်းများ စစ်ဆေးဆောင်ရွက်ခြင်း

        ပင်စင်ဦးစီးဌာန၏ ဒုတိယညွှန်ကြားရေးမှူးချုပ် ဦးမင်းဇော်ဝင်းမှ မေလ (၂၀) ရက်မှ မေလ (၂၃)ရက်နေ့အတွင်း မကွေးတိုင်း ၊ မန္တလေးတိုင်းနှင့် စစ်ကိုင်းတိုင်းရှိ တိုင်းဒေသကြီး ပင်စင်ရုံးများသို့ လုပ်ငန်းများ သွားရောက်စစ်ဆေးခဲ့ပါသည်။