ပင်စင်ဥပဒေသုံးသပ်ပြင်ဆင်ရေး အထောက်အကူပြုအဖွဲ့၏ (၃/၂၀၂၄) ကြိမ်မြောက် အစည်းအဝေးကို ၁၃-၁၁-၂၀၂၄ ရက် (ဗုဒ္ဓဟူးနေ့)၊ နံနက် (၁၀:၀၀) နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ ပင်စင်ဦးစီးဌာနအစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါအစည်းအဝေးသို့ ပင်စင်ဥပဒေသုံးသပ်ပြင်ဆင်ရေးအထောက်အကူပြုအဖွဲ့၏ ဥက္ကဋ္ဌ၊ ပင်စင်ဦးစီးဌာန ညွှန်ကြားရေးမှူးချုပ် ဦးရဲညွန့်၊ အဖွဲ့ဝင်များဖြစ်ကြသည့် ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် လက်ထောက်ညွှန်ကြားရေးမှူးများ စုံညီစွာတက်ရောက်ကြသည်။ အစည်းအဝေးတွင် အဖွဲ့ဥက္ကဋ္ဌ၊ ပင်စင်ဦးစီးဌာန ညွှန်ကြားရေးမှူးချုပ် ဦးရဲညွန့်က အဖွင့်အမှာစကားပြောကြားပြီး အဖွဲ့အတွင်းရေးမှူး၊ ပင်စင်စနစ်ပြုပြင်ပြောင်းလဲရေးဌာနခွဲ တာဝန်ခံညွှန်ကြားရေးမှူး ဦးမိုးကြည်က ပင်စင်ဥပဒေသုံးသပ်ပြင်ဆင်ရေး အထောက်အကူပြုအဖွဲ့ ယခင်(၁/၂၀၂၄)နှင့်(၂/၂၀၂၄)ကြိမ်မြောက်အစည်းအဝေးများ၏ ဆုံးဖြတ်ချက်များ၊ ဆက်လက်ဆွေးနွေးမည့် နည်းဥပဒေတစ်ခုချင်းအလိုက် ဆက်စပ်စဉ်းစားရမည့် အချက်များနှင့်စပ်လျဉ်း၍ အသေးစိတ်ရှင်းလင်း တင်ပြခဲ့ပြီး ပြင်ဆင်၊ ဖြည့်စွက်၊ ပယ်ဖျက်သင့်သည့် သဘောထားမှတ်ချက်များအား ဌာနခွဲအလိုက် သက်ဆိုင်ရာဌာနခွဲတာဝန်ခံများက ရှင်းလင်းတင်ပြခဲ့ရာ တက်ရောက် လာကြသည့် အဖွဲ့ဝင်များမှလည်း တင်ပြချက်များအပေါ် ဝိုင်းဝန်းအကြံပြုဆွေးနွေးခဲ့ကြပါသည်။ ဆက်လက်၍ အဖွဲ့ဝင်များ၏ အကြံပြုဆွေးနွေးချက်များအပေါ် အဖွဲ့ဥက္ကဋ္ဌ ပင်စင်ဦးစီးဌာနညွှန်ကြားရေးမှူးချုပ် ဦးရဲညွန့်က သုံးသပ်ဆွေးနွေး၍ နိဂုံးချုပ်အမှာစကားပြောကြားပြီး အစည်းအဝေးကို နံနက်(၁၁:၃၀)နာရီတွင် အောင်မြင်စွာ ကျင်းပပြီးစီးခဲ့ပါသည်။
ပင်စင်ဥပဒေသုံးသပ်ပြင်ဆင်ရေးအထောက်အကူပြုအဖွဲ့၊ ဥက္ကဋ္ဌ၊ ညွှန်ကြားရေးမှူးချုပ် ဦးရဲညွန့်က အဖွင့်အမှာစကားပြောကြားစဉ်
ပင်စင်ဥပဒေသုံးသပ်ပြင်ဆင်ရေးအထောက်အကူပြုအဖွဲ့၊ အတွင်းရေးမှူး၊ ပင်စင်စနစ်ပြုပြင် ပြောင်းလဲရေးဌာနခွဲ၊ ညွှန်ကြားရေးမှူး ဦးမိုးကြည်က ရှင်းလင်းတင်ပြစဉ်
ပင်စင်လုပ်ငန်းဌာနခွဲ၊ ညွှန်ကြားရေးမှူးက ဆွေးနွေးတင်ပြစဉ်
မူဝါဒ၊ ဥပဒေလုပ်ထုံးလုပ်နည်းစိစစ်ရေးနှင့် လုပ်ငန်းစစ်ဆေးရေးဌာနခွဲ၊ ၊ ဒုတိယညွှန်ကြားရေးမှူးက ဆွေးနွေးတင်ပြစဉ်
ပင်စင်ဥပဒေသုံးသပ်ပြင်ဆင်ရေးအထောက်အကူပြုအဖွဲ့၊ ဥက္ကဋ္ဌ၊ ညွှန်ကြားရေးမှူးချုပ် ဦးရဲညွန့်က နိဂုံးချုပ်အမှာစကားပြောကြားစဉ်
ပင်စင်ဦးစီးဌာန၊ ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်
ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်
