ပင်စင်ဦးစီးဌာန၏ လစ်လပ်လျက်ရှိသော အမှုထမ်း (၁၄) နေရာအတွက် အရည်အချင်းစစ်စာမေးပွဲကျင်းပခြင်း

ပင်စင်ဦးစီးဌာန၏ လစ်လပ်လျက်ရှိသော အမှုထမ်း (၁၄) နေရာအတွက် အရည်အချင်း စစ်စာမေးပွဲ ကျင်းပခြင်းအား ၂၂-၇-၂၀၂၂ ရက်နေ့တွင် ပင်စင်ဦးစီးဌာန၊ အစည်းအဝေးခန်းမနှင့် ရုံးအမှတ် (၃၄)၊ အစည်းအဝေးခန်းမ (အပေါ်ထပ်) တွင် ပြုလုပ်ခဲ့ပါသည်။ ကချင်ပြည်နယ်နှင့် ရခိုင်ပြည်နယ်ရှိ ဖြေဆိုသူများအား Online စနစ်ဖြင့် ဖြေဆိုခြင်း ဆောင်ရွက်ခဲ့ပါသည်။ အရည်အချင်းစစ်စာမေးပွဲ ဖြေဆိုနေမှုအား ညွှန်ကြားရေးမှူးချူပ် ဦးရဲညွန့်နှင့် ဒုတိယညွှန်ကြားရေးမှူးချုပ် ဦးမင်းဇော်ဝင်းမှ လိုက်လံကြည့်ရှု စစ်ဆေးပြီး လိုအပ်သည်များ လမ်းညွှန်မှာကြားခဲ့ပါသည်။

ညွှန်ကြားရေးမှူးချုပ်မှ ကြည့်ရှုစစ်ဆေးစဉ်

 

ညွှန်ကြားရေးမှူးချုပ်မှ ကြည့်ရှုစစ်ဆေးစဉ်

 

ဒုတိယညွှန်ကြားရေးမှူးချုပ်မှ ကြည့်ရှုစစ်ဆေးစဉ်

 

စာမေးပွဲကြီးကြပ်ရေးအဖွဲ့ဝင်များမှ ကြည့်ရှုစစ်ဆေးစဉ်

 

စာမေးပွဲဖြေဆိုနေမှုမှတ်တမ်း

၂၀၂၂-၂၀၂၃ ခု၊ ဘဏ္ဍာရေးနှစ် ပင်စင်လစာငွေများနှင့်ဆုငွေများစာရင်း၏ ဘဏ်ရှင်းတမ်း(Bank Statement) နှင့် နေ့အလိုက် ပင်စင်လစာထုတ်ပေးမှုစာရင်း ( Bank Scroll ) များ မှန်ကန်မှု ရှိစေရေးအတွက် ပင်စင်ဦးစီးဌာနနှင့် မြန်မာ့စီးပွား‌ရေးဘဏ်တို့ ညှိနှိုင်းအစည်းအဝေး

၂၀၂၂ – ၂၀၂၃ ခု၊ ဘဏ္ဍာရေးနှစ် ပင်စင်လစာငွေများနှင့် ဆုငွေများစာရင်း၏ ဘဏ်ရှင်းတမ်း ( Bank Statement ) နှင့် နေ့အလိုက် ပင်စင်လစာထုတ်ပေးမှုစာရင်း ( Bank Scroll ) များ မှန်ကန်မှု ရှိစေရေး အတွက် ပင်စင်ဦးစီးဌာနနှင့် မြန်မာ့စီးပွား‌ရေးဘဏ်တို့ ညှိနှိုင်းအစည်းအဝေးကို ၇ – ၇ -၂၀၂၂ ရက်နေ့၊ နေ့လယ် ( ၁၄ : ၀၀ ) နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် ( ၃၄ )၊ ပင်စင်ဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာန၊ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် မြန်မာ့စီးပွားရေးဘဏ်၊ ဦးဆောင်ညွှန်ကြားရေးမှူး နှင့် အဖွဲ့များတက်ရောက်ခဲ့ပါသည်။ အစည်းအဝေးတွင် ပင်စင်ဦးစီးဌာန ညွှန်ကြားရေးမှူးချုပ်နှင့် မြန်မာ့ စီးပွားရေးဘဏ် ဦးဆောင်ညွှန်ကြားရေးမှူး တို့မှ အဖွင့်အမှာစကား ပြောကြား၍ ဌာနခွဲတာဝန်ခံများမှ COVID–19 ရောဂါဖြစ်ပွားမှုအခြေအနေများနှင့် လမ်းပန်း ဆက်သွယ်ရေး ခက်ခဲမှုအခြေအနေများကြောင့် ဆက်သွယ်ရန်ခက်ခဲသည့် မြန်မာ့စီးပွားရေးဘဏ်ခွဲများမှ ပင်စင်လစာနှင့်ဆုငွေများ အသုံးစရိတ်စာရင်း အတွက် နေ့အလိုက် ပင်စင်လစာထုတ်ယူမှုစာရင်း ( Bank Scroll ) နှင့် လစဉ်ဘဏ်ရှင်းတမ်း ( Bank Statement ) များ၊ DL လက်ကျန်အတည်ပြုလွှာများ အချိန်မီရရှိနိုင်ရေးနှင့် ကိန်းဂဏန်းမှန်ကန်မှုရှိစေ ရေးတို့အတွက် ညှိနှိုင်းဆွေးနွေးခဲ့ကြပါသည်။ ဆက်လက်၍ ပင်စင်ဦးစီးဌာန၊ ညွှန်ကြားရေးမှူးချူပ်မှ နိဂုံးချုပ်အမှာစကားပြောကြားပြီး အစည်းအဝေးကို နေ့လယ် ( ၁၅:၃၀ ) နာရီတွင် ရုပ်သိမ်းခဲ့ပါသည်။

ပင်စင်ဦးစီးဌာန၊ ညွှန်ကြား‌ရေးမှူးချုပ်မှ အဖွင့်အမှာစကားပြောကြားစဉ်

မြန်မာ့စီးပွားရေးဘဏ်၊ ဦးဆောင်ညွှန်ကြားရေးမှူးမှ အဖွင့်အမှာစကားပြောကြားစဉ်

ပင်စင်ဦးစီးဌာန၊ ဒုတိယညွှန်ကြား‌ရေးမှူးချုပ်မှ ရှင်းလင်းဆွေးနွေးတင်ပြစဉ်

ပင်စင်ဦးစီးဌာန၊ ညွှန်ကြား‌ရေးမှူးမှ ရှင်းလင်းဆွေးနွေးတင်ပြစဉ်

မြန်မာ့စီးပွားရေးဘဏ်၊ တာဝန်ရှိသူတစ်ဦးမှ ရှင်းလင်းဆွေးနွေးတင်ပြစဉ်

အစည်းအဝေး ကျင်းပပြုလုပ်နေစဉ်

ညွှန်ကြားရေးမှူးချုပ်မှ  နိဂုံးချုပ်အမှာစကားပြောကြားစဉ်

 

 

 

ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ၏ (၃/၂၀၂၂) ကြိမ်မြောက်အစည်းအဝေးကျင်းပခြင်း

ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော်ရေးကော်မတီ၏ (၃/၂၀၂၂) ကြိမ်မြောက် အစည်း အဝေးကို ၅-၇-၂၀၂၂ ရက်နေ့၊ ‌နေ့လယ် (၁၄:၀၀) နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၄) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော်ရေးကော်မတီ ဥက္ကဋ္ဌ၊ စီမံကိန်း နှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းနှင့် ကော်မတီဝင်များ ဖြစ်ကြသည့် ဝန်ကြီးဌာနများမှ အမြဲတမ်းအတွင်းဝန်များ၊ ဦးဆောင်ညွှန်ကြားရေးမှူးနှင့် ညွှန်ကြားရေးမှူးချုပ်များ စုံညီစွာ တက်ရောက်ကြသည်။ အစည်းအဝေး တွင် ကော်မတီဥက္ကဋ္ဌ၊ ဒုတိယဝန်ကြီးက အဖွင့်အမှာစကားပြောကြားပြီး ကော်မတီအတွင်းရေးမှူး၊ ပင်စင် ဦးစီးဌာန၊ ညွှန်ကြားရေးမှူးချုပ် ဦးရဲညွန့်က ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော် ဆောင်ရွက်နေမှုနှင့်စပ်လျဉ်း၍ ဥပဒေကြမ်းရေးဆွဲပြီးစီးမှုအခြေအနေများနှင့် အကောင်အထည်ဖော်မည့် ပုံစံများအား ရှင်းလင်းတင်ပြရာ အစည်းအဝေးသို့ တက်ရောက်လာကြသည့် ကော်မတီဝင်များမှလည်း ပုဒ်မတစ်ခုချင်းအလိုက် ဝိုင်းဝန်းအကြံပြုဆွေးနွေးခဲ့ကြပါသည်။ ဆက်လက်၍ ကော်မတီဝင်များ၏ အကြံပြုဆွေးနွေးချက်များအပေါ် ကော်မတီဥက္ကဋ္ဌက သုံးသပ်ဆွေးနွေး၍ နိဂုံးချုပ် အမှာစကား ပြောကြား ပြီး အစည်းအဝေးကို ညနေ (၅:၀၀) နာရီတွင် အောင်မြင်စွာ ကျင်းပပြီးစီးခဲ့ပါသည်။

ကော်မတီ ဥက္ကဋ္ဌမှ အဖွင့်အမှာစကားပြောကြားစဉ်

ကော်မတီ အတွင်းရေးမှူးမှ ဥပဒေကြမ်းရေးဆွဲပြီးစီးမှုအခြေအနေအား ရှင်းလင်းတင်ပြစဉ်

ကော်မတီ အတွင်းရေးမှူးမှ ဥပဒေကြမ်းရေးဆွဲပြီးစီးမှုအခြေအနေအား ရှင်းလင်းတင်ပြစဉ်

ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ အမြဲတမ်းအတွင်းဝန်မှ ဆွေးနွေးတင်ပြစဉ်

ငွေရေးကြေးရေးကြီးကြပ်စစ်ဆေးရေးဦးစီးဌာန၊ ညွှန်ကြားရေးမှူးချုပ်မှ ဆွေးနွေးတင်ပြစဉ်

ငွေတိုက်ဦးစီးဌာန၊ ညွှန်ကြားရေးမှူးချုပ်မှ ဆွေးနွေးတင်ပြစဉ်

ငွေချေးသက်သေခံလက်မှတ်လုပ်ငန်း ကြီးကြပ်‌ရေးကော်မရှင်ရုံး၊ ညွှန်ကြားရေးမှူးချုပ်မှ ဆွေးနွေးတင်ပြစဉ်

ဥပဒေရေးရာဦးစီးဌာန၊ ညွှန်ကြားရေးမှူးချုပ်မှ ဆွေးနွေးတင်ပြစဉ်

လူမှုဖူလုံရေးအဖွဲ့၊ ညွှန်ကြားရေးမှူးမှ ဆွေးနွေးတင်ပြစဉ်

ဝန်ထမ်းရေးရာဦးစီးဌာန၊ ညွှန်ကြားရေးမှူးချုပ်မှ ဆွေးနွေးတင်ပြစဉ်

အစည်းအဝေးကျင်းပပြုလုပ်နေစဉ်

အစည်းအဝေးကျင်းပပြုလုပ်နေစဉ်

 

၂၀၂၂ - ၂၀၂၃ ပညာသင်နှစ်အတွက် မူလတန်း၊ အလယ်တန်းနှင့် အထက်တန်း ပညာသင်ထောက်ပံ့ကြေးပေးအပ်ပွဲ အခမ်းအနားကျင်းပခြင်း

၂၄-၆-၂၀၂၂ ရက်နေ့၊ နံနက် ၁၀:၀၀ နာရီအချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ ပင်စင်ဦးစီးဌာန၊ အစည်းအဝေးခန်းမ၌ ပင်စင်ဦးစီးဌာနတွင် တာဝန်ထမ်းဆောင်လျက်ရှိသော ဝန်ထမ်း များ၏ သား / သမီးများအနက် ၂၀၂၂-၂၀၂၃ ပညာသင်နှစ်တွင် မူလတန်းနှင့် အလယ်တန်းအဆင့်များသို့ တက်ရောက်နေကြသည့် ကျောင်းသား / ကျောင်းသူများအတွက် ပညာသင်ထောက်ပံ့ကြေးပေးအပ်ပွဲ အခမ်းအနား ကျင်းပပြုလုပ်ခဲ့ပါသည်။ အခမ်းအနားသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ ရုံးချုပ်နှင့် ပြည်ထောင်စုနယ်မြေရှိ ညွှန်ကြားရေးမှူးများ၊ ဒုတိယညွှန်ကြားရေးမှူးများနှင့် လက်ထောက်ညွှန်ကြားရေးမှူးများအားလုံး တက်ရောက်ခဲ့ကြပါသည်။

အဆိုပါ ပညာသင်ထောက်ပံ့ကြေးပေးအပ်ပွဲအခမ်းအနားတွင် ညွှန်ကြားရေးမှူးချုပ်မှ အလယ်တန်းအဆင့် သို့ တက်ရာက်ကြမည့် ကျောင်းသား/ကျောင်းသူ (၁၃) ဦးအတွက် ကျပ် ၂၆၀,၀၀၀/- ကို လည်းကောင်း၊ ဒုတိယညွှန်ကြားရေးမှူးချုပ်မှ မူလတန်းအဆင့်သို့ တက်ရောက်မည့် ကျောင်းသား / ကျောင်းသူ (၂၀) ဦး အတွက် ကျပ် ၃၀၀,၀၀၀/- ကိုလည်းကောင်း၊ စုစုပေါင်း ကျပ် ၅၆၀,၀၀၀/- အား ပညာသင်ထောက်ပံ့ကြေး အဖြစ် အသီးသီးပေးအပ်ချီးမြှင့်ခဲ့ရာ ကျောင်းသား/ကျောင်းသူများကိုယ်စား တက်ရောက်လာသူမိဘ(၂)ဦး မှ လက်ခံရယူခဲ့ကြပါသည်။

ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်

ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်

ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်

ညွှန်ကြားရေးမှူးချုပ်မှ အလယ်တန်းအဆင့် ကျောင်းသား/ကျောင်းသူများအတွက် ပညာသင် ထောက်ပံ့ကြေး ပေးအပ်ချီးမြှင့်ခြင်းအား ကျောင်းသားမိဘ (၁) ဦးမှ လက်ခံရယူစဉ်

ဒုတိယညွှန်ကြားရေးမှူးချုပ်မှ မူလတန်းအဆင့် ကျောင်းသား/ကျောင်းသူများအတွက် ပညာသင် ထောက်ပံ့ကြေး ပေးအပ်ချီးမြှင့်ခြင်းအား ကျောင်းသားမိဘ (၁) ဦးမှ လက်ခံရယူစဉ်

အင်တာနက်အသုံးပြုခြင်းနှင့်ဆက်စပ်သော ပြုပြင်ထိန်းသိမ်းခြင်း ဝန်ဆောင်မှုလုပ်ငန်း ဆောင်ရွက်ရန် တင်ဒါကော်မတီ အစည်းအဝေးကျင်းပခြင်း

ပင်စင်ဦးစီးဌာနမှ ၂၀၂၂-၂၀၂၃ ဘဏ္ဍာရေးနှစ်တွင် အင်တာနက်အသုံးပြုခြင်းနှင့် ဆက်စပ်သော ပြုပြင် ထိန်းသိမ်းခြင်း ဝန်ဆောင်မှုလုပ်ငန်းဆောင်ရွက်ရန် ကုမ္ပဏီ (၃)ခု၏ အဆိုပြုလွှာ ဖွင့်ဖောက်စစ်ဆေးမှု ရလဒ်အား ရှင်းလင်းတင်ပြခြင်း အစည်းအဝေးအား ၁၇-၆-၂၀၂၂ ရက်နေ့၊ နေ့လယ် (၁၃:၃၀) နာရီတွင် ရုံးအမှတ်(၃၄)၊ အစည်းအဝေးခန်းမတွင်ကျင်းပပြုလုပ်ခဲ့ပါသည်။ အစည်းအဝေးသို့ တင်ဒါကော်မတီဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း ဦးဆောင်သော တင်ဒါကော်မတီ အဖွဲ့ဝင်များ တက်ရောက်ခဲ့ပါသည်။ အစည်းအဝေးတွင် တင်ဒါကော်မတီ အတွင်းရေးမှူး၊  ပင်စင်ဦးစီး ဌာန၊ ညွှန်ကြားရေးမှူးချုပ် ဦးရဲညွန့်မှ ကုမ္ပဏီ (၃) ခု၏ အဆိုပြုလွှာများ ဖွင့်ဖောက်စစ်ဆေးမှုရလဒ်များ ကို ရှင်းလင်းတင်ပြကာ တက်ရောက်လာသော တင်ဒါကော်မတီအဖွဲ့ဝင်များမှ ဖြည့်စွက်ဆွေးနွေးခဲ့ကြပါ သည်။ တင်ဒါကော်မတီ ဥက္ကဋ္ဌမှ ဆက်လက်ဆောင်ရွက်ရမည့် လုပ်ငန်းစဉ်များနှင့် စပ်လျဉ်း၍ လမ်းညွှန် မှာကြားကာ အစည်းအဝေးကို နေ့လယ် (၁၄:၃၀) နာရီတွင် ရုပ်သိမ်းခဲ့ပါသည်။

တင်ဒါကော်မတီ ဥက္ကဋ္ဌမှ အဖွင့်အမှာစကား ပြောကြားစဉ်

တင်ဒါကော်မတီ ဥက္ကဋ္ဌမှ အဖွင့်အမှာစကား ပြောကြားစဉ်

တင်ဒါကော်မတီ အတွင်းရေးမှူးမှ စစ်ဆေးမှုရလဒ်အား ရှင်းလင်းတင်ပြစဉ်

တင်ဒါကော်မတီ အတွင်းရေးမှူးမှ စစ်ဆေးမှုရလဒ်အား ရှင်းလင်းတင်ပြစဉ်

တင်ဒါကော်မတီ အဖွဲ့ဝင် ဒေါ်စီစီပြုံးမှ ဖြည့်စွက်ဆွေးနွေးစဉ်

တင်ဒါကော်မတီ အဖွဲ့ဝင် ဦးဇော်နိုင်မှ ဖြည့်စွက်ဆွေးနွေးစဉ်

တင်ဒါကော်မတီ တွဲဖက်အတွင်းရေးမှူးမှ ရှင်းလင်းတင်ပြစဉ်

ပင်စင်ဦးစီးဌာန၊ ညွှန်ကြားရေးမှူးချုပ်မှ ဗဟိုဝန်ထမ်းတက္ကသိုလ်(အောက်မြန်မာပြည်)တွင် ဖွင့်လှစ်သော သင်တန်း၌ "ပင်စင်စနစ်ပြုပြင်ပြောင်းလဲမှု" ဘာသာရပ်ဆွေးနွေးပို့ချခြင်း

ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်သည် ဗဟိုဝန်ထမ်းတက္ကသိုလ်(အောက်မြန်မာပြည်)တွင် ဖွင့်လှစ်သော ဝန်ထမ်းအဖွဲ့အစည်း ဒုတိယအကြီးအမှူးစီမံခန့်ခွဲမှုသင်တန်း အမှတ်စဉ်(၄)နှင့် အဆင့်မြင့် အရာထမ်းစီမံခန့်ခွဲမှုသင်တန်း အမှတ်စဉ်(၁၇) တို့၌ ၁၃-၆-၂၀၂၂ ရက်နေ့တွင် “ပင်စင်စနစ်ပြုပြင်ပြောင်း လဲမှု”ဘာသာရပ်အား သွားရောက်ဆွေးနွေး ပို့ချခဲ့ပါသည်။

ညွှန်ကြားရေးမှူးချုပ်မှ ဆွေးနွေးပို့ချစဉ်

ညွှန်ကြားရေးမှူးချုပ်မှ ဆွေးနွေးပို့ချစဉ်

ညွှန်ကြားရေးမှူးချုပ်မှ ဆွေးနွေးပို့ချစဉ်

 

 

ဝန်ထမ်းနောင်ရေး ဗဟိုရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ၏ (၁/၂၀၂၂)ကြိမ်မြောက် အစည်းအဝေး ကျင်းပခြင်း

ဝန်ထမ်းနောင်ရေး ဗဟိုရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ ၏ (၁/၂၀၂၂) ကြိမ်မြောက် အစည်းအဝေးကို ၁၆-၆-၂၀၂၂ ရက်နေ့၊ နံနက် (၁၀:၀၀) နာရီတွင် စီမံကိန်းနှင့် ဘဏ္ဍာရေးဝန်ကြီးဌာန၊ ရုံးအမှတ် (၃၄) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ဝန်ထမ်းနောင်ရေး ဗဟိုရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ ဥက္ကဋ္ဌ၊ ပင်စင်ဦးစီးဌာန ညွှန်ကြားရေးမှူးချုပ် ဦးရဲညွန့်၊ အတွင်းရေးမှူး ဒုတိယညွှန်ကြားရေးမှူးချုပ် ဦးမင်းဇော်ဝင်းနှင့် ဆပ်ကော်မတီဝင်များ တက်ရောက်ခဲ့ပါသည်။ အစည်းအဝေးတွင် ဝန်ထမ်းနောင်ရေး ဗဟိုရန်ပုံငွေဥပဒေကြမ်းပြန်လည်စိစစ်ရေးနှင့်နည်းဥပဒေရေးဆွဲရေးဆပ်ကော်မတီဥက္ကဋ္ဌ၊ ပင်စင်ဦးစီးဌာန ညွှန်ကြားရေးမှူးချုပ် ဦးရဲညွန့်က အဖွင့်အမှာစကားပြောကြား၍ ဆပ်ကော်မတီအတွင်းရေးမှူး၊ ဒုတိယ ညွှန်ကြားရေးမှူးချုပ် ဦးမင်းဇော်ဝင်းက ဝန်ထမ်းနောင်ရေး ဗဟိုရန်ပုံငွေ ဥပဒေကြမ်းနှင့်စပ်လျဉ်း၍ ဆပ်ကော်မတီဝင်များ၏ သဘောထားမှတ်ချက်များ ရယူရမည့် ဥပဒေကြမ်းပါ ပုဒ်မများအား ပုဒ်မ တစ်ခုချင်းအလိုက် ရှင်းလင်းဆွေးနွေး တင်ပြခဲ့ပါသည်။ ထို့နောက် အစည်းအဝေးသို့ တက်ရောက်လာကြ သော ဆပ်ကော်မတီဝင်များက ဆွေးနွေးညှိနှိုင်းခြင်းများ၊ အကြံပြုမှတ်ချက်ပေးခြင်းများ ဆောင်ရွက်ခဲ့ ကြပါသည်။ ဆက်လက်၍ ဆပ်ကော်မတီဥက္ကဋ္ဌ၊ ပင်စင်ဦးစီးဌာန၊ ညွှန်ကြား‌ရေးမှူးချုပ်မှ နိဂုံးချုပ် အမှာ စကားပြောကြားပြီး အစည်းအဝေးကို နေ့လယ် (၁၂:၂၅)နာရီတွင် ရုပ်သိမ်းခဲ့ပါသည်။

ညွှန်ကြား‌ရေးမှူးချုပ်မှ အဖွင့်အမှာစကားပြောကြားစဉ်

ညွှန်ကြား‌ရေးမှူးချုပ်မှ အဖွင့်အမှာစကားပြောကြားစဉ်

ဒုတိယညွှန်ကြား‌ရေးမှူးချုပ်မှ ရှင်းလင်းဆွေးနွေးပြောကြားစဉ်

ဆပ်ကော်မတီဝင်များမှ  ရှင်းလင်းဆွေးနွေးပြောကြားစဉ်

ပင်စင်စနစ်ပြုပြုပြောင်းလဲရေးဌာနခွဲ၊ ညွှန်ကြားရေးမှူးမှ  ရှင်းလင်းဆွေးနွေးပြောကြားစဉ်

ဆပ်ကော်မတီဝင်များမှ  ရှင်းလင်းဆွေးနွေးပြောကြားစဉ်

ဆပ်ကော်မတီဝင်များမှ  ရှင်းလင်းဆွေးနွေးပြောကြားစဉ်

ညွှန်ကြားရေးမှူးချုပ်မှ  နိဂုံးချုပ်အမှာစကားပြောကြားစဉ်

ဝန်ထမ်းနောင်ရေးဗဟိုရန်ပုံငွေအကောင်အထည်ဖော်ရေးလုပ်ငန်းအဖွဲ့ အစည်းအဝေးကျင်းပခြင်း

ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ (၂/၂၀၂၂) ကြိမ်မြောက် အစည်း အဝေးဆုံးဖြတ်ချက်အရ ဥပဒေကြမ်းနှင့် စပ်လျဉ်း၍ ဌာနတွင်း ဝန်ထမ်းနောင်ရေးဗဟိုရန်ပုံငွေ အကောင် အထည်ဖော်ရေးလုပ်ငန်းအဖွဲ့အစည်းအဝေးအား ၃-၆-၂၀၂၂ ရက်နေ့တွင် ပင်စင်ဦးစီးဌာန၊ အစည်းအဝေး ခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်းနှင့် လုပ်ငန်းအဖွဲ့ဝင်များ တက်ရောက်ခဲ့ကြပါသည်။ အစည်းအဝေးတွင် ဝန်ထမ်းနောင်ရေးဗဟိုရန်ပုံငွေ ဥပဒေကြမ်းအပေါ် ဆွေးနွေးသုံးသပ်၍ အကြံပြု မှတ်ချက်ပေးခြင်းများ ဆောင်ရွက်ခဲ့ကြပါသည်။

ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်

ညွှန်ကြားရေးမှူးချုပ်မှ ဥပဒေကြမ်းအပေါ် ဆွေးနွေးသုံးသပ်စဉ်

ဒုတိယညွှန်ကြားရေးမှူးချုပ်မှ ဆွေးနွေးစဉ်

အဖွဲ့ဝင်တစ်ဦးမှ ဆွေးနွေးတင်ပြစဉ်

ဥပဒေကြမ်းအပေါ် ဆွေးနွေးသုံးသပ်ကြစဉ်