“ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ”၏ (၁/၂၀၂၄) ကြိမ်မြောက် အစည်းအဝေးအား စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၄)၊ အစည်းအဝေးခန်းမတွင် နံနက် (၁၀:၀၀)နာရီ၌ ကျင်းပပြုလုပ်ခဲ့ရာ ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော်ရေး ကော်မတီဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းနှင့် ကော်မတီဝင်များ ဖြစ်ကြသည့် သက်ဆိုင်ရာဌာနများမှ ဦးဆောင်ညွှန်ကြားရေးမှူးများနှင့် ညွှန်ကြားရေးမှူးချုပ်များ စုံညီစွာ တက်ရောက်ကြသည်။
အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းက အဖွင့်အမှာစကားပြောကြားရာ၌ ဝန်ထမ်းနောင်ရေး ဗဟိုရန်ပုံငွေ ဥပဒေကြမ်းနှင့်စပ်လျဉ်း၍ ဥပဒေကြမ်းပါပုဒ်မများနှင့် ဆက်စပ်သည့်ဌာန (၅) ခုအား ယခင်ဗဟိုကော်မတီဆုံးဖြတ်ချက်များအရ သဘောထားမှတ်ချက်များ တောင်းခံခဲ့ပါကြောင်း၊ အဆိုပါသဘောထားမှတ်ချက်များအရ ပြန်လည်ပြင်ဆင်ထားသည့် ဥပဒေကြမ်းအား သက်ဆိုင်ရာဆပ်ကော်မတီတွင် ပြန်လည်ဆွေးနွေးပြီး ယခုကော်မတီ အစည်းအဝေးသို့ တင်ပြလမ်းညွှန်မှု ခံယူခြင်းဖြစ်ပါကြောင်း၊ ကော်မတီဝင်များအနေဖြင့် ဥပဒေကြမ်း အပေါ်သုံးသပ်ပြီး အကောင်အထည်ဖော်ဆောင်ရာတွင် တွေ့ကြုံရနိုင်မည့် အခက်အခဲများနှင့် လိုအပ် သည်များကို ပွင့်ပွင့်လင်းလင်း ဆွေးနွေးရန် လိုအပ်ပါကြောင်းနှင့် ရှေ့ဆက်လက်ဆောင်ရွက်ရမည့် Timeframe ပါ လုပ်ငန်းစဉ်များအတိုင်း ဆက်လက်ဆွေးနွေးညှိနှိုင်းကြရန် ဖြစ်ပါကြောင်း ပြောကြားခဲ့ပါသည်။
ဆက်လက်၍ ကော်မတီအတွင်းရေးမှူး၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်က ဝန်ထမ်း နောင်ရေးဗဟိုရန်ပုံငွေဥပဒေကြမ်းနှင့်စပ်လျဉ်း၍ ပြင်ဆင်လိုသည့် ပုဒ်မများ၊ ကော်မတီ၏ လမ်းညွှန်မှု ခံယူရမည့် ကိစ္စရပ်များနှင့် ရှေ့ဆက်လက်ဆောင်ရွက်သွားမည့် လုပ်ငန်းစဉ်များအား သက်ဆိုင်ရာ ပုဒ်မတစ်ခုချင်းအလိုက် အသေးစိတ်ရှင်းလင်းတင်ပြရာ အစည်းအဝေးသို့ တက်ရောက်လာကြသည့် ကော်မတီဝင်များမှ လိုအပ်သည်များ အကြံပြုဆွေးနွေးတင်ပြခဲ့ကြသည်။ အဆိုပါအကြံပြုဆွေးနွေး ချက်များအပေါ် ကော်မတီဥက္ကဋ္ဌက သုံးသပ်ဆွေးနွေး၍ နိဂုံးချုပ်အမှာစကားပြောကြားပြီး အစည်း အဝေးကို အောင်မြင်စွာ ကျင်းပပြီးစီးခဲ့ပါသည်။
ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီဥက္ကဋ္ဌ၊ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက အဖွင့်အမှာစကားပြောကြားစဉ်
ကော်မတီအတွင်းရေးမှူး၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်က ဝန်ထမ်းနောင်ရေး ဗဟိုရန်ပုံငွေ ဥပဒေကြမ်းနှင့်စပ်လျဉ်း၍ ရှင်းလင်းတင်ပြစဉ်
ငွေတိုက်ဦးစီးဌာန၊ ညွှန်ကြားရေးမှူးချုပ်က ဆွေးနွေးပြောကြားစဉ်
ဝန်ထမ်းရေးရာဦးစီးဌာန၊ ညွှန်ကြားရေးမှူးချုပ်က ဆွေးနွေးပြောကြားစဉ်
မြန်မာ့စီးပွားရေးဘဏ်၊ အထွေထွေမန်နေဂျာက ဆွေးနွေးပြောကြားစဉ်
ရသုံးမှန်းခြေငွေစာရင်းဦးစီးဌာန၊ ဒုတိယညွှန်ကြားရေးမှူးချုပ်က ဆွေးနွေးပြောကြားစဉ်
ငွေရေးကြေးရေးကြီးကြပ်စစ်ဆေးရေးဦးစီးဌာန၊ ဒုတိယညွှန်ကြားရေးမှူးချုပ်က ဆွေးနွေးပြောကြားစဉ်
လူမှုဖူလုံရေးအဖွဲ့၊ ဒုတိယညွှန်ကြားရေးမှူးချုပ်က ဆွေးနွေးပြောကြားစဉ်
အဆင့်မြင့်ပညာဦးစီးဌာန၊ ဒုတိယညွှန်ကြားရေးမှူးချုပ်က ဆွေးနွေးပြောကြားစဉ်
မြို့ပြနှင့်အိမ်ရာဖွံ့ဖြိုးရေးဦးစီးဌာန၊ ဒုတိယညွှန်ကြားရေးမှူးချုပ်က ဆွေးနွေးပြောကြားစဉ်
နိုင်ငံတော်စီမံအုပ်ချုပ်ရေးကောင်စီ၊ ညွှန်ကြားရေးမှူးက ဆွေးနွေးပြောကြားစဉ်
ဥပဒေရေးရာဝန်ကြီးဌာန၊ ဒုတိယညွှန်ကြားရေးမှူးက ဆွေးနွေးပြောကြားစဉ်
ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ၏ (၁/၂၀၂၄)ကြိမ်မြောက် အစည်းအဝေးကျင်းပနေစဉ်
ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီဥက္ကဋ္ဌ၊ စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက နိဂုံးချုပ်အမှာစကားပြောကြားစဉ်
ညွှန်ကြားရေးမှူးချုပ်မှ အဖွင့်အမှာစကားပြောကြားစဉ်
