ပင်စင်ဦးစီးဌာန(ရုံးချုပ်)နှင့် ပြည်ထောင်စုနယ်မြေ၊ တိုင်းဒေသကြီး/ပြည်နယ်ဦးစီးမှူးရုံးများ၏ လုပ်ငန်းညှိနှိုင်းအစည်းအဝေးကျင်းပခြင်း

၁-၆-၂၀၂၂ ရက်နေ့၊ နံနက် ၁၀း၀၀ နာရီအချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄)၊ ပင်စင်ဦးစီးဌာန၊ အစည်းအဝေးခန်းမ၌ ပင်စင်ဦးစီးဌာန (ရုံးချုပ်)နှင့် ပြည်ထောင်စု နယ်မြေ၊ တိုင်းဒေသကြီး/ပြည်နယ်ဦးစီးမှူးရုံးများ၏ လုပ်ငန်းညှိနှိုင်းအစည်းအဝေးအား Online ဖြင့် ကျင်းပပြုလုပ် ခဲ့ပါသည်။ အစည်းအဝေးသို့ ပင်စင်ဦးစီးဌာန၊ ညွှန်ကြား‌ရေးမှူးချုပ် ဦးရဲညွန့်၊ ဒုတိယ ညွှန်ကြားရေးမှူးချုပ် ဦးမင်းဇော်ဝင်း၊ ရုံးချုပ်ရှိ ဌာနခွဲတာဝန်ခံများ၊ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများနှင့် ပင်စင်ဦးစီးဌာန၊ ပြည်ထောင်စုနယ်မြေ၊ တိုင်း‌ဒေသကြီး/ ပြည်နယ် ဦးစီးမှူးရုံးများမှ တာဝန်ခံများ၊ ဒုတိယတာဝန်ခံများ တက်ရောက်ခဲ့ပါသည်။

ညွှန်ကြား‌ရေးမှူးချုပ်မှ အဖွင့်အမှာစကားပြောကြားစဉ်

ဒုတိယညွှန်ကြားရေးမှူးချုပ်မှ ဆွေးနွေးပြောကြားစဉ်

တိုင်းဒေသကြီး/ပြည်နယ်ဦးစီးမှူးရုံး၊ တာဝန်ခံများမှ တင်ပြဆွေးနွေးစဉ်

တိုင်းဒေသကြီး/ပြည်နယ်ဦးစီးမှူးရုံး၊ တာဝန်ခံများ၏ တင်ပြချက်များအား ညွှန်ကြားရေးမှူးချုပ်မှ ပြန်လည်ဆွေးနွေးစဉ်

တိုင်းဒေသကြီး/ပြည်နယ်ဦးစီးမှူးရုံး၊ တာဝန်ခံများ၏ တင်ပြချက်များအား ညွှန်ကြားရေးမှူး-HR မှ ပြန်လည်ဆွေးနွေးစဉ်

ပင်စင်ဦးစီးဌာန ဝန်ထမ်းများ၏ ဆန္ဒဖော်ထုတ်ပွဲအခမ်းအနားကျင်းပခြင်း

၂၆-၅-၂၀၂၂ ရက်နေ့၊ နေ့လည် (၁၅း၀၀) နာရီအချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) အစည်းအဝေးခန်းမ၌ ပင်စင်ဦးစီးဌာနရှိ ဝန်ထမ်းများ၏ ဆန္ဒဖော်ထုတ်ပွဲအခမ်းအနား ကျင်းပပြုလုပ်ခဲ့ပါသည်။ အခမ်းအနားသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ သက်ဆိုင်ရာဌာနခွဲ တာဝန်ခံများ၊ ပင်စင်ဦးစီးဌာန (ရုံးချုပ်) နှင့် ပြည်ထောင်စုနယ်မြေဦးစီးမှူးရုံးတို့မှ အရာထမ်း၊ အမှုထမ်းများ တက်ရောက်ခဲ့ကြပါသည်။

ညွှန်ကြားရေးမှူးချုပ်၊ ဦးရဲညွန့်မှ အဖွင့်အမှာစကားပြောကြားစဉ်

အခမ်းအနားတက်ရောက်လာသူ ဝန်ထမ်းတစ်ဦးမှ ဌာန၏လုပ်ငန်းဆောင်ရွက်မှုများအား ညွှန်ကြားရေးမှူးချုပ်ထံ တင်ပြစဉ်

အခမ်းအနားတက်ရောက်လာသည့် ဝန်ထမ်းများအား ညွှန်ကြားရေးမှူးချုပ်မှ

ရင်းရင်းနှီးနှီး တွေ့ဆုံနှုတ်ဆက်စဉ်

ညွှန်ကြားရေးမှူးချုပ်မှ ဧရာဝတီတိုင်းဒေသကြီး ပင်စင်ဦးစီးမှူးရုံးသို့ ရုံးလုပ်ငန်းများ သွားရောက်စစ်ဆေးခြင်း

ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ (၁၂-၅-၂၀၂၂) ရက်နေ့တွင် ဧရာဝတီတိုင်း ဒေသကြီး၊ ပင်စင်ဦးစီးမှူးရုံးသို့ ရုံးလုပ်ငန်းများ သွားရောက်စစ်ဆေး၍ ဝန်ထမ်းများနှင့် တွေ့ဆုံ၍ ပင်စင်ဆိုင်ရာကိစ္စရပ်များနှင့် ရုံးလုပ်ငန်းဆောင်ရွက်မှုများအပေါ် လမ်းညွှန်မှာကြားခဲ့ပါသည်။ ဆက်လက်၍ မြန်မာ့စီးပွားရေးဘဏ် (ပုသိမ်) သို့ သွားရောက်၍ ဘဏ်ဝန်ထမ်းများနှင့် တွေ့ဆုံကာ ပင်စင်ထုတ်ပေးမှုဆိုင်ရာ ကိစ္စရပ်များ၊ ပင်စင်စားတို့၏ အခက်အခဲများနှင့် ပတ်သက်၍ ဆွေးနွေးညှိနှိုင်းဆောင်ရွက်ခဲ့ပါသည်။

ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ (၁၃-၅-၂၀၂၂) ရက်နေ့တွင် မြန်မာ့စီးပွားရေးဘဏ် (ပုသိမ်) ဘဏ်ဝန်ထမ်းများနှင့် တွေ့ဆုံပြီး ပင်စင်ဆိုင်ရာ ကိစ္စရပ်များအား ဆွေးနွေးညှိနှိုင်းခြင်း

 

ဝန်ထမ်းနောင်ရေး ဗဟိုရန်ပုံငွေဥပဒေကြမ်းနှင့်စပ်လျဉ်း၍ ဌာနတွင်း ဝန်ထမ်း နောင်ရေး ဗဟိုရန်ပုံငွေ အကောင်အထည်ဖော်ဆောင်ရေး လုပ်ငန်းအဖွဲ့၏ (၁/၂၀၂၂) ကြိမ်မြောက် အစည်းအဝေးကျင်းပခြင်း

ဝန်ထမ်းနောင်ရေး ဗဟိုရန်ပုံငွေ (၂/၂၀၂၂) ကြိမ်မြောက် အစည်းအဝေး ဆုံးဖြတ်ချက်အရ ဥပဒေကြမ်းနှင့်စပ်လျဉ်း၍ ဌာနတွင်း ဗဟိုရန်ပုံငွေ အကောင်အထည်ဖော်ဆောင်ရေးလုပ်ငန်းအဖွဲ့၏ (၁/၂၀၂၂) ကြိမ်မြောက် အစည်းအဝေးကို ၂၉-၄-၂၀၂၂ ရက်နေ့ (သောကြာနေ့)နှင့် ၂-၅-၂၀၂၂ ရက်နေ့ (တနင်္လာနေ့) တို့တွင် စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာန အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာန၊      ညွှန်ကြားရေးမှူးချုပ်၊  ဦးရဲညွန့်၊       ဒုတိယညွှန်ကြားရေးမှူးချုပ် ဦးမင်းဇော်ဝင်းနှင့် ဝန်ထမ်းနောင်ရေး ဗဟိုရန်ပုံငွေအကောင်အထည်ဖော်ဆောင်ရေးလုပ်ငန်းအဖွဲ့ဝင်များ တက်ရောက်ခဲ့ပါသည်။ အဆိုပါ အစည်းအဝေးတွင် ဝန်ထမ်းနောင်ရေးဗဟိုရန်ပုံငွေ အကောင်အထည် ဖော်ဆောင်ရေးနှင့်စပ်လျဉ်း၍ မူဝါဒပိုင်းဆိုင်ရာ လမ်းညွှန်မှုခံယူရမည့်ကိစ္စရပ်များ၊ အငြင်းပွားရန်ရှိသည့် ဥပဒေဆိုင်ရာကိစ္စရပ်များ၊ အခြားသော ဆင့်ပွားသက်ရောက်မှု ရှိလာနိုင်သည့်ကိစ္စရပ်များ၊ အခြားဥပဒေများနှင့် ဆက်စပ်စဉ်းစားရမည့်ကိစ္စရပ်များအပြင် ဝန်ထမ်းနောင်ရေး ဗဟိုရန်ပုံငွေဥပဒေကြမ်းနှင့် စပ်လျဉ်း၍ ကော်မတီဝင်များမှပေးပို့လာသော သဘောထားမှတ်ချက်ပါ ဥပဒေပုဒ်မများအား နှိုင်းယှဉ်တင်ပြခြင်း နှင့် ဝန်ထမ်းနောင်ရေး ဗဟိုရန်ပုံငွေ (Central Provident Fund – CPF) အကောင်အထည် ဖော်မည့် IT ပိုင်း ဆိုင်ရာကဏ္ဍရပ်များနှင့် စပ်လျဉ်း၍ တင်ပြခြင်းကို တက်ရောက်လာသည့် လုပ်ငန်းအဖွဲ့ဝင် များက ဆွေးနွေးညှိနှိုင်းခြင်းများ၊ အကြံပြုမှတ်ချက်ပေးခြင်းများ ဆောင်ရွက်ခဲ့ကြပါသည်။

 

ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော်ရေး ကော်မတီ၏ (၂/၂၀၂၂) ကြိမ်မြောက် အစည်းအဝေးကျင်းပခြင်း

“ဝန်ထမ်းနောင်ရေး ဗဟိုရန်ပုံငွေအကောင်အထည်ဖော်ရေးကော်မတီ”၏ (၂/၂၀၂၂) ကြိမ်မြောက် အစည်းအဝေးအား စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၃၄)၊ အစည်းအဝေးခန်းမတွင် ယနေ့နံနက် (၁၀:၀၀) နာရီ၌ ကျင်းပပြုလုပ်ခဲ့ရာ ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီဥက္ကဋ္ဌ၊ စီမံကိန်းနှင့် ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးမောင်မောင်ဝင်းနှင့် ကော်မတီဝင်များဖြစ်ကြသည့် ဝန်ကြီးဌာနများမှ အမြဲတမ်းအတွင်းဝန်၊ ဦးဆောင်ညွှန်ကြားရေးမှူးနှင့် ညွှန်ကြားရေးမှူးချုပ်များ စုံညီစွာ တက်ရောက်ကြသည်။
အစည်းအဝေးတွင် ဒုတိယဝန်ကြီးက အဖွင့်အမှာစကားပြောကြားရာ၌ ဝန်ထမ်းနောင်ရေး ဗဟိုရန်ပုံငွေသည် ရေရှည်ဆောင်ရွက်ရမည့်ကိစ္စဖြစ်ပါကြောင်း၊ ကော်မတီအနေဖြင့် ရေရှည်တည်တံ့ခိုင်မြဲသော အမျိုးသားပင်စင်စနစ်ဖြစ်ပေါ်လာစေရန် ရည်ရွယ်၍ ဝန်ထမ်းနောင်ရေးဗဟိုရန်ပုံငွေစနစ် အကောင်အထည်ဖော်ရေးကို ဆက်လက်ဆောင်ရွက်သွားမည်ဖြစ်ပါကြောင်း၊ ထို့ကြောင့် မိမိတို့အနေဖြင့် ဆက်လက်ဆောင်ရွက်ရန်ကိစ္စများ၊ ကြိုတင်ပြင်ဆင်ဆောင်ရွက်ထားသင့်သည့်ကိစ္စများ၊ ဥပဒေကြမ်းရေးဆွဲရေး၊ ရန်ပုံငွေစနစ်ကျင့်သုံးမည့်ပုံစံတို့နှင့်စပ်လျဉ်း၍ ဆောင်ရွက်သင့်သည့် ကိစ္စရပ်များကို ဆက်လက်ဆွေးနွေးညှိနှိုင်းကြရန် ဖြစ်ပါကြောင်း ပြောကြားခဲ့ပါသည်။
ဆက်လက်၍ ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီအတွင်းရေးမှူး၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်က ဝန်ထမ်းနောင်ရေး ဗဟိုရန်ပုံငွေအကောင်အထည်ဖော်ရေးနှင့် စပ်လျဉ်း၍ ဥပဒေကြမ်းရေးဆွဲပြီးစီးမှု အခြေအနေများအား ရှင်းလင်းတင်ပြရာ အစည်းအဝေးသို့ တက်ရောက်လာကြသည့် ကော်မတီဝင်များမှ လိုအပ်သည်များ အကြံပြုဆွေးနွေး တင်ပြခဲ့ကြသည်။ အကြံပြုဆွေးနွေးချက်များအပေါ် ကော်မတီဥက္ကဋ္ဌက သုံးသပ်ဆွေးနွေး၍ နိဂုံးချုပ်အမှာစကားပြောကြားပြီး အစည်းအဝေးကို အောင်မြင်စွာ ကျင်းပပြီးစီးခဲ့ပါသည်။
ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီကို ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ၏ ၂၄-၃-၂၀၂၁ရက်စွဲပါ အမိန့်ကြော်ငြာစာအမှတ်၊ ၇၁/၂၀၂၁ ဖြင့် ပြင်ဆင်ဖွဲ့စည်းပေးခဲ့ပြီး စီမံကိန်းနှင့်ဘဏ္ဍာရေးဝန်ကြီးဌာန၊ဒုတိယဝန်ကြီးက ဥက္ကဋ္ဌအဖြစ်ဆောင်ရွက်၍ သက်ဆိုင်ရာဌာနများမှ ဦးဆောင်ညွှန်ကြားရေးမှူးများ၊ ညွှန်ကြားရေး မှူးချုပ်များလည်း ပါဝင်ကြောင်း၊ နိုင်ငံ့ဝန်ထမ်းများ၏ ပင်စင်ခံစားခွင့်များနှင့် စပ်လျဉ်း၍ ရေရှည်တည်တံ့ခိုင်မြဲပြီး အားကိုးအားထားပြုနိုင်သည့် ပင်စင်ရန်ပုံငွေစနစ်တစ်ရပ်ကို ထူထောင်ရန် ဆက်လက်ကြိုးပမ်းဆောင်ရွက်လျက်ရှိကြောင်း သတင်းရရှိသည်။

ပင်စင်ဦးစီးဌာနနှင့် မြန်မာ့စီးပွားရေးဘဏ်တို့ ပူးပေါင်း၍ တိုးမြှင့်ပင်စင် ခွင့်ပြုမိန့်များ လုံခြုံမှုရှိစေရေးအတွက် လိုအပ်ချက်များ စနစ်တကျ ဆောင်ရွက်နိုင်ရေး ညှိနှိုင်းအစည်းအဝေး

ပင်စင်ဦးစီးဌာနနှင့် မြန်မာ့စီးပွားရေးဘဏ်တို့ ပူးပေါင်း၍ တိုးမြှင့်ပင်စင် ခွင့်ပြုမိန့်များ လုံခြုံမှုရှိစေရေးအတွက် လိုအပ်ချက်များ စနစ်တကျ ဆောင်ရွက်နိုင်ရေး ညှိနှိုင်းအစည်း အဝေးကို စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) အလယ်ထပ် အစည်းအဝေး ခန်းမ၌ ၂၂-၃-၂၀၂၂ ရက်နေ့၊ (၁၄:၀၀) နာရီအချိန်တွင် ပင်စင်ဦးစီးဌာနမှ ညွှန်ကြားရေးမှူးချုပ် ဦးရဲညွန့် ဦးဆောင်သောအဖွဲ့နှင့် မြန်မာ့စီးပွားရေးဘဏ်မှ ဦးဆောင်ညွှန်ကြားရေးမှူး ဦးဝင်းနိုင်ဦး ဦးဆောင်သောအဖွဲ့တို့ ညှိနှိုင်းဆွေးနွေးခဲ့ပါသည်။

ပင်စင်ဦးစီးဌာန၏ လုပ်ငန်းကျွမ်းကျင်မှုသင်တန်း အမှတ်စဉ် (၂/၂၀၂၂) ဖွင့်ပွဲအခမ်းအနားကျင်းပခြင်း။

ပင်စင်ဦးစီးဌာန၏ လုပ်ငန်းကျွမ်းကျင်မှုသင်တန်း အမှတ်စဉ် (၂/၂၀၂၂) ဖွင့်ပွဲအခမ်းအနားအား ၁၄-၃-၂၀၂၂ ရက်နေ့ (တနင်္လာနေ့) တွင် ရုံးအမှတ် (၃၄)၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါ အခမ်းအနားသို့ ညွန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူး ဦးမင်းဇော်ဝင်း၊ သက်ဆိုင်ရာဌာနခွဲ ညွှန်ကြားရေးမှူးများ၊ ဒုတိယညွှန်ကြားရေးမှူးများ၊ လက်ထောက်ညွှန်ကြားရေးမှူးများနှင့် သင်တန်းသူ/သားများမှ တက်ရောက်ခဲ့ပါသည်။ ပင်စင်ဦးစီးဌာနတွင် တာဝန်ထမ်းဆောင်နေသော ဒုတိယဦးစီးမှူးနှင့် စိစစ်ရေးမှူး (၄) များ ပင်စင်ဆိုင်ရာလုပ်ငန်းများနှင့် ရုံးလုပ်ငန်းများ ကျွမ်းကျင်မှုရှိစေရေး ရည်ရွယ်ချက်ဖြင့် သင်တန်းစီမံချက်ရေးဆွဲကာ ၃၁-၃-၂၀၂၂ ရက်နေ့အထိ သင်တန်း ပေးအပ်သွားမည်ဖြစ်ပါသည်။ 

ပင်စင်ဦးစီးဌာနတွင်း စိစစ်ရေးမှူး(၄)မှ စိစစ်ရေးမှူး(၃)သို့ ရာထူးတိုးစာမေးပွဲ ကျင်းပခြင်း

ပင်စင်ဦးစီးဌာနတွင်း စိစစ်ရေးမှူး(၄) မှ စိစစ်ရေးမှူး(၃)ရာထူးသို့ အမှုထမ်းရာထူးတိုး စာမေးပွဲအား သတ်မှတ်ချက်ပြည့်မီသော အမှုထမ်း (၃၀) ဦးဖြင့် ၂၈-၂-၂၀၂၂ ရက်နေ့တွင် သာသာရပ်ဆိုင်ရာစာမေးပွဲ၊ ရုံးလုပ်ငန်းနှင့်ဘဏ္ဍာရေးစည်းမျဉ်းဆိုင်ရာ စာမေးပွဲနှင့်ကွန်ပျူတာကျွမ်းကျင်မှုစစ်ဆေးခြင်းကို လည်းကောင်း၊ ၁-၃-၂၀၂၂ ရက်နေ့တွင် အင်္ဂလိပ် စာမေးပွဲစစ်ဆေးခြင်းကိုလည်းကောင်း ရုံးအမှတ် (၃၄)၊ စုပေါင်း အစည်းအဝေးခန်းမ၌ ကျင်းပပြုလုပ်ခဲ့ပါသည်။ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့် ဦးဆောင်သော စာမေးပွဲကြီးကြပ်ရေးအဖွဲ့ဝင်များက စာမေးပွဲဖြေဆိုရာတွင် မသမာမှုများ မရှိစေရန် ကြီးကြပ် စစ်ဆေးခဲ့ပါသည်။