ပင်စင်ဦးစီးဌာနတွင် လစ်လပ်လျက်ရှိသော ဒုတိယဦးစီးမှူး၊ စိစစ်ရေးမှူး-၄၊ ရုံးအကူနှင့် ယာဉ်မောင်း-၅ နေရာများအတွက် လျှောက်လွှာခေါ်ယူခြင်း

စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာနတွင် လစ်လပ်လျက်ရှိသော ဒုတိယဦးစီးမှူး (လစာနှုန်း ကျပ် ၂၁၆၀၀၀-၂၀၀၀-၂၂၆၀၀၀) ရာထူး (၂၅) နေရာ၊ စိစစ်ရေးမှူး-၄ (လစာနှုန်း ကျပ် ၁၈၀၀၀၀-၂၀၀၀-၁၉၀၀၀၀) ရာထူး (၂၅) နေရာ၊ ယာဉ်မောင်း-၅ (လစာနှုန်း ကျပ် ၁၆၂၀၀၀-၂၀၀၀-၁၇၂၀၀၀) ရာထူး (၃) နေရာနှင့် ရုံးအကူ (လစာနှုန်း ကျပ် ၁၄၄၀၀၀-၂၀၀၀-၁၅၄၀၀၀) ရာထူး (၂) နေရာများအတွက် သတ်မှတ်အရည်အချင်းနှင့် ကိုက်ညီသူများ လျှောက်ထားနိုင်ပါသည်။

သတ်မှတ်ချက်နှင့် လျှောက်ထားရမည့်ပုံစံ အသေးစိတ်အား ပူးတွဲပါ PDF File တွင်ကြည့်ရှုပါ။

ကြည့်ရှုရန်

ပင်စင်ဦးစီးဌာန (ရုံးချုပ်) လုပ်ငန်းညှိနှိုင်း အစည်းအဝေးကျင်းပခြင်းနှင့် Quarantine ဝင်ရောက်ရသည့်ဝန်ထမ်းများအား COVID-19 ထောက်ပံ့ကြေးငွေ ပေးအပ်ခြင်း

ပင်စင်ဦးစီးဌာန (ရုံးချုပ်) ဌာနခွဲများမှ အရာထမ်းများ၏ လုပ်ငန်းညှိနှိုင်းအစည်းအဝေး ကို ၁၈-၁၀-၂၀၂၁ ရက်နေ့၊ နံနက် (၁၀:၀၀) နာရီတွင် ပင်စင်ဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ သက်ဆိုင်ရာဌာနခွဲတာဝန်ခံ ညွှန်ကြားရေးမှူးများနှင့် ဒုတိယညွှန်ကြားရေးမှူးများ တက်ရောက်ခဲ့ပါသည်။ အစည်းအဝေးတွင် ညွှန်ကြားရေးမှူးချုပ် ဦးရဲညွန့်မှ ဝန်ကြီးဌာန၏ ညွှန်ကြား ချက်များ၊ လုပ်ငန်းလမ်းညွှန်ချက်များ၊ ဌာန၏ လုပ်ငန်းဆောင်ရွက်မှုများနှင့်ပတ်သက်၍ ပြောကြားခဲ့ ပါသည်။  တက်ရောက်လာကြသည့် ဌာနခွဲတာဝန်ခံများမှလည်း မိမိတို့ဌာနခွဲအလိုက် ဆောင်ရွက်နေ သော လုပ်ငန်းစဉ်အခြေအနေများ၊ အခက်အခဲများနှင့် လိုအပ်ချက်များအား ရှင်းလင်းတင်ပြခဲ့ပါသည်။ ဆက်လက်၍ ညွှန်ကြားရေးမှူးချုပ်မှ လိုအပ်သည်များ ဖြည့်စွက်လမ်းညွှန် မှာကြားခဲ့ပါသည်။

ဆက်လက်၍ ပင်စင်ဦးစီးဌာနမှ COVID-19 ကပ်ရောဂါ ကူးစက်ခံရပြီး Quarantine ဝင်ရောက်ရသည့် ဝန်ထမ်း(၂၂)ဦးကို ညွှန်ကြားရေးမှူးချုပ်မှ တစ်ဦးလျှင် ထောက်ပံ့ကြေးငွေကျပ် (၄၀၀၀၀/-)စီ ထောက်ပံ့ ပေးအပ်ခဲ့ရာ Quarantine ဝင်ရောက်ရသည့် ဝန်ထမ်းများကိုယ်စား ဒုတိယညွှန်ကြားရေးမှူးချုပ်မှ လက်ခံရယူခဲ့ပါသည်။ ထို့နောက် ညွှန်ကြားရေးမှူးချုပ်မှ နိဂုံးချုပ် အမှာစကားပြောကြားပြီး အခမ်းအနား ကို ရုပ်သိမ်းခဲ့ပါသည်။

ဝန်ထမ်းနောင်ရေးဗဟိုရန်ပုံငွေ ဥပဒေကြမ်းပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ၏ (၁/၂၀၂၁) အစည်းအဝေးကျင်းပခြင်း

ဝန်ထမ်းနောင်ရေးဗဟိုရန်ပုံငွေ ဥပဒေကြမ်းပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ ၏ (၁/၂၀၂၁)ကြိမ်မြောက် အစည်းအဝေးကို ၁၂-၁၀-၂၀၂၁ ရက်နေ့၊ နံနက် (၁၀:၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာနမှ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ သက်ဆိုင်ရာဌာနခွဲ ညွှန်ကြားရေးမှူးများနှင့် ဆပ်ကော်မတီ အဖွဲ့ဝင်များမှ တက်ရောက်ခဲ့ ပါသည်။ အစည်းအဝေးတွင် ဝန်ထမ်းနောင်ရေးဗဟိုရန်ပုံငွေဥပဒေကြမ်းပြန်လည်စိစစ်ရေးနှင့် နည်းဥပ ဒေရေးဆွဲရေးဆပ်ကော်မတီဥက္ကဋ္ဌ၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ အဖွင့်အမှာစကား ပြောကြား၍ ဆပ်ကော်မတီ အတွင်းရေးမှူး ဒုတိယညွှန်ကြားရေးမှူးချုပ်နှင့် ပင်စင်စနစ်ပြုပြင်ပြောင်းလဲ ရေးဌာနခွဲ၊ ညွှန်ကြားရေးမှူးမှ ဝန်ထမ်းနောင်ရေးဗဟိုရန်ပုံငွေဥပဒေကြမ်း ပြုစုထားမှုနှင့် အကောင် အထည်ဖော်မည့် ပုံစံမူကြမ်း (Model) အား ရှင်းလင်းတင်ပြခြင်းများ ဆောင်ရွက်ခဲ့ ပါသည်။ ထို့နောက် အစည်းအဝေးသို့ တက်ရောက်လာသော ဝန်ထမ်းနောင်ရေးဗဟိုရန်ပုံငွေ ဥပဒေကြမ်း ပြန်လည်စိစစ်ရေး နှင့် နည်းဥပဒေရေးဆွဲရေး ဆပ်ကော်မတီအဖွဲ့ဝင်များမှလည်း ဆွေးနွေးညှိနှိုင်းခြင်းများ ၊ အကြံပြု မှတ်ချက်ပေးခြင်းများ ဆောင်ရွက်ခဲ့ပြီး အစည်းအဝေးကို နေ့လယ် (၁၂:၃၀)နာရီတွင် ရုပ်သိမ်းခဲ့ပါသည်။

Pension Management Web Portal Development လုပ်ငန်းဆောင်ရွက်ပြီးစီးမှုအား ရှင်းလင်းတင်ပြခြင်း

ပင်စင်ဦးစီးဌာနမှ အကောင်အထည်ဖော်ဆောင်ရွက်လျက်ရှိသော Pension Management Web Portal Development လုပ်ငန်းဆောင်ရွက်ပြီးစီးမှုအတွက် TrustLink Co.,Ltd မှ ရှင်းလင်းတင်ပြမှု အခမ်းအနားကို ၁၇-၉-၂၀၂၁ ရက်နေ့၊ နေ့လယ် (၁၃:၀၀) နာရီတွင် ပင်စင်ဦးစီးဌာန၊ အစည်းအဝေး ခန်းမ၌ Video Conferencing စနစ်ဖြင့် ကျင်းပပြုလုပ်ခဲ့ပါသည်။ အခမ်းအနားတွင် ပင်စင်ဦးစီးဌာနမှ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်းနှင့် သက်ဆိုင်ရာဌာနခွဲများမှ ညွှန်ကြားရေးမှူးများ တက်ရောက်ခဲ့ပါသည်။ အဆိုပါ အခမ်းအနားတွင် တက်ရောက်လာသူများမှ Pension Management Web Portal Development လုပ်ငန်းအတွက် ရှေ့ဆက်ဆောင်ရွက်မည့် လုပ်ငန်းစဉ်များအား ဆွေးနွေးညှိနှိုင်းဆောင်ရွက်ခဲ့ပါသည်။

Asian Civil Service Pension Forum 2021 အတွက် အကြိုညှိနှိုင်းအစည်းအဝေးတက်ရောက်ခြင်း

      ကိုရီးယားနိုင်ငံ၏ Government Employee Pension Fund (GEPS) မှ ကြီးမှူးကျင်းပမည့် အာဆီယံဒေသတွင်းနိုင်ငံများ၏ ပင်စင်စနစ်ဆွေးနွေးဆောင်ရွက်မည့် Asian Civil Service Pension Forum 2021 (ACSP) ကျင်းပရေးနှင့်စပ်လျဉ်းသည့် အကြိုညှိနှုင်းအစည်းအဝေးသို့ (၉-၉-၂၀၂၀) ရက်နေ့တွင် ပင်စင်ဦးစီးဌာနမှ ဒုတိယညွှန်ကြားရေးမှူးချုပ် ဦးမင်းဇော်ဝင်းမှ ဦးဆောင်၍ တက်ရောက်ခဲ့ ပါသည်။ အကြိုညှိနှိုင်းအစည်းအဝေးအား Covid -19 ကူးစက်ရောဂါ ကာကွယ်ရေးအစီအစဉ်ကြောင့် Online Meeting ဖြင့် ပြုလုပ်ခဲ့ပြီး မြန်မာစံတော်ချိန် နေ့လယ် (၂)နာရီတွင် စတင်ခဲ့ပါသည်။ အစည်းအဝေးကို အာဆီယံဒေသတွင်း နိုင်ငံအသီးသီး၏ ပင်စင်စနစ်အကောင်အထည်ဖော်ဆောင်ရွက် နေသူများမှ တက်ရောက်ခဲ့ပြီး Forum ကျင်းပရေး ရည်ရွယ်ချက်ဖြင့် ညှိနှိုင်းဆွေးနွေးမှုများ ပြုလုပ်ခဲ့ ပါသည်။

ညွှန်ကြားရေးမှူးချုပ်မှ ရုံးလုပ်ငန်းများ စစ်ဆေးခြင်း

ပင်စင်ဦးစီးဌာန၏ ညွှန်ကြားရေးမှူးချုပ် ဒေါ်စီစီပြုံးမှ မေလ (၂၉) ရက်မှ ဇွန်လ (၁)ရက်နေ့အတွင်း ပဲခူးတိုင်းနှင့် ရန်ကုန်တိုင်းရှိ တိုင်းဒေသကြီး ပင်စင်ရုံးများသို့ လုပ်ငန်းများ သွားရောက်စစ်ဆေးခဲ့ပါသည်။

 

ဝန်ထမ်းနောင်ရေးဗဟိုရန်ပုံငွေအကောင်အထည်ဖော်ရေးကော်မတီ (၁/၂၀၂၁) အစည်းအဝေးကျင်းပခြင်း

       ဝန်ထမ်းနောင်ရေးဗဟိုရန်ပုံငွေအကောင်အထည်ဖော်ရေးကော်မတီ (၁/၂၀၂၁) အစည်းအဝေးကို ၂၂-၄-၂၀၂၁ ရက်နေ့၊ နေ့လည်(၁)နာရီတွင် ရုံးအမှတ်(၃၄)ရှိ အစည်းအဝေးခန်းမ၌ ကျင်းပပြုလုပ်ခဲ့သည်။ အစည်းအဝေးတွင် ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေး ကော်မတီ ဥက္ကဋ္ဌ စီမံကိန်း၊ဘဏ္ဍာရေးနှင့် စက်မှုဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း က အဖွင့်အမှာစကားပြောကြားခြင်း၊ အတွင်းရေးမှူး ပင်စင်ဦးစီဌာန၊ ညွှန်ကြားရေးမှူးချုပ် ဒေါ်စီစီပြုံးမှ ဝန်ထမ်းနောင်ရေးဗဟိုရန်ပုံငွေ အကောင်အထည် ဖော်ဆောင်ရေးအား ရှင်းလင်းတင်ပြခဲ့ပါသည်။ ၎င်းနောက် ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးအပေါ် အစည်းအဝေးသို့ တက်ရောက်လာကြသည့် ကော်မတီဝင်များက အကြုံပြုဆွေးနွေးမှု များပြုလုပ်ခဲ့ပါသည်။

Covid-19 ကာလအတွင်း နှစ်လွန်ပင်စင်ဖြစ်ပေါ်သူများအား ဖြေလျှော့ထုတ်ယူခွင့်ပြုကြောင်း ကြောညာချက်

Covid-19 ကာလအတွင်း နှစ်လွန်ပင်စင်ဖြစ်ပေါ်သူများအား ဖြေလျှော့ထုတ်ယူခွင့်ပြုကြောင်း ကြောညာချက်

Pension Management Web Portal Upgrade ဆောင်ရွက်ခြင်းအတွက် တင်ဒါအောင်မြင်သော TrustLink Company နှင့် စာချုပ်ချုပ်ဆိုခြင်း

Pension Management Web Portal Development လုပ်ငန်း Software Upgrade ဆောင်ရွက်ခြင်းလုပ်ငန်းအတွက်  တင်ဒါအောင်မြင်သော TrustLink Co.,Ltd နှင့် စာချုပ်ချုပ်ဆိုခြင်း အား (၃-၆-၂၀၂၁) ရက်နေ့တွင် ပင်စင်ဦးစီးဌာန၊ အစည်းအဝေးခန်းမ၌ ပြုလုပ်ခဲ့ပါသည်။