Category: Uncategorized

၁၆-၁-၂၀၂၂ ရက်နေ့တွင် ကျရောက်သော ပင်စင်ဦးစီးဌာန (၄၆) နှစ်မြောက် နှစ်ပတ်လည်နေ့အထိမ်းအမှတ်အဖြစ် ၁၇-၁-၂၀၂၂ ရက်နေ့၌ ပင်စင်ဦးစီးဌာန၊ ဘုရားခန်းတွင် သံဃာတော် (၅) ပါး အား ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်းနှင့် သက်ဆိုင်ရာညွှန်ကြားရေးမှူး များမှ ဆွမ်းခဲဖွယ်များ ဆက်ကပ်လှူဒါန်း၍ တရားနာယူခဲ့ပါသည်။ ဆက်လက်၍ ပင်စင်ဦးစီးဌာန၊ အစည်းအဝေးခန်းမ၌ (၁) နှစ်ပတ်လုံး ခွင့်မခံစားသော ဝန်ထမ်းများ အား ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်မှ ဆုချီးမြှင့်ခဲ့ပါသည်။ ထို့အပြင် ပင်စင်ဦးစီးဌာနရှိ ဝန်ထမ်းများအား အမှတ်တရလက်ဆောင်ပစ္စည်း ပေးအပ်ခဲ့ပါသည်။

ပင်စင်ဦးစီးဌာနတွင်း စိစစ်ရေးမှူး-၃ မှ ဒုတိယဦးစီးမှူးရာထူးသို့ အမှုထမ်းရာထူးတိုး စာမေးပွဲအား သတ်မှတ်ချက်ပြည့်မီသော အမှုထမ်း (၄၆) ဦးဖြင့် ၁၅-၁-၂၀၂၂ ရက်နေ့တွင် သာသာရပ်ဆိုင်ရာစာမေးပွဲ၊ ရုံးလုပ်ငန်းနှင့်ဘဏ္ဍာရေးစည်းမျဉ်းဆိုင်ရာ စာမေးပွဲနှင့် ကွန်ပျူတာကျွမ်းကျင်မှုစစ်ဆေးခြင်းကိုလည်းကောင်း၊ ၁၆-၁-၂၀၂၂ ရက်နေ့တွင် အင်္ဂလိပ်စာမေးပွဲစစ်ဆေးခြင်းကိုလည်းကောင်း ရုံးအမှတ် (၃၄)၊ စုပေါင်း အစည်းအဝေးခန်းမ၌ ကျင်းပပြုလုပ်ခဲ့ပါသည်။ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့် ဦးဆောင်သော စာမေးပွဲကြီးကြပ်ရေးအဖွဲ့ဝင်များက စာမေးပွဲဖြေဆိုရာတွင် မသမာမှုများ မရှိစေရန် ကြီးကြပ်စစ်ဆေးခဲ့ပါသည်။

ဝန်ထမ်းနောင်ရေးဗဟိုရန်ပုံငွေ ဥပဒေကြမ်းပြန်လည်စိစစ်ရေးနှင့် နည်းဥပဒေရေးဆွဲ ရေး ဆပ်ကော်မတီ၏ (၂/၂၀၂၁)ကြိမ်မြောက် အစည်းအဝေးကို ၂၈-၁၂-၂၀၂၁ ရက်နေ့၊ နံနက် (၁၀:၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၄) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာနမှ ညွှန်ကြားရေးမှူးချုပ် ဦးရဲညွန့်၊ ဒုတိယညွှန်ကြားရေးမှူးချုပ် ဦးမင်းဇော်ဝင်း၊ သက်ဆိုင်ရာဌာနခွဲ ညွှန်ကြားရေးမှူးများနှင့် ဆပ်ကော်မတီအဖွဲ့ဝင်များ တက်ရောက်ခဲ့ပါသည်။ အစည်းအဝေးတွင် ဝန်ထမ်းနောင်ရေး ဗဟိုရန်ပုံငွေ ဥပဒေကြမ်းပြန်လည်စိစစ်ရေးနှင့် နည်းဥပဒေရေးဆွဲရေးဆပ်ကော်မတီ ဥက္ကဋ္ဌ၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်က အဖွင့်အမှာစကားပြောကြား၍ ဆပ် ကော်မတီ အတွင်းရေးမှူး ဒုတိယညွှန်ကြားရေးမှူးချုပ် ဦးမင်းဇော်ဝင်းက ဝန်ထမ်းနောင်ရေး ဗဟိုရန်ပုံငွေ ဥပဒေကြမ်းအား ဝန်ထမ်းနောင်ရေး ဗဟိုရန်ပုံငွေ(Central Provident Fund-CPF) အကောင်အထည်ဖော်ရေးကော်မတီ၏ (၂/၂၀၂၁)ကြိမ်မြောက် အစည်းအဝေးဆုံးဖြတ် ချက်နှင့် ပင်စင်ဦးစီးဌာနတွင်း ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော်ဆောင် ရေးလုပ်ငန်းအဖွဲ့တို့၏ ဆွေးနွေးထားချက်များအရ ပြန်လည်ပြင်ဆင်ဆောင်ရွက်ထားရှိမှုအား ရှင်းလင်းတင်ပြခဲ့ပါသည်။ထို့နောက် အစည်းအဝေးသို့ တက်ရောက်လာသော ဝန်ထမ်းနောင် ရေးဗဟိုရန်ပုံငွေ ဥပဒေကြမ်း ပြန်လည်စိစစ်ရေးနှင့် နည်းဥပဒေရေးဆွဲရေး ဆပ်ကော်မတီ အဖွဲ့ဝင်များက ဆွေးနွေးညှိနှိုင်းခြင်းများ၊ အကြံပြုမှတ်ချက်ပေးခြင်းများ ဆောင်ရွက်ခဲ့ပြီး အစည်းအဝေးကို နေ့လယ် (၁၂:၄၅)နာရီတွင် ရုပ်သိမ်းခဲ့ပါသည်။

ဒုတိယဦးစီးမှူးရာထူး ဖြေဆိုခွင့်ရရှိသူစာရင်း

စိစစ်ရေးမှူး-၄ ဖြေဆိုခွင့်ရရှိသူစာရင်း

ယာဉ်မောင်း -၅ ဖြေဆိုခွင့်ရရှိသူစာရင်း

ရုံးအကူဖြေဆိုခွင့်ရရှိသူစာရင်း

ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ ၁၀-၁၂-၂၀၂၁ ရက်နေ့တွင် ရန်ကုန်တိုင်းဒေသကြီး ပင်စင်ဦးစီးမှူးရုံးသို့ လည်းကောင်း၊ ၁၃-၁၂-၂၀၂၁ ရက်နေ့တွင် ပဲခူးတိုင်းဒေသကြီး ပင်စင်ဦးစီးမှူးရုံးသို့ လည်းကောင်း ရုံးလုပ်ငန်းများသွားရောက်စစ်ဆေးကာ လိုအပ်သည်များ မှာကြားခဲ့ပါသည်။

ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ (၂/၂၀၂၁) အစည်းအဝေးကို ၁-၁၂-၂၀၂၁ ရက်နေ့၊ မွန်းလွဲ ၂ နာရီတွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန အစည်းအဝေးခန်းမ၌ ကျင်းပသည်။ အစည်းအဝေးသို့ ဝန်ထမ်းနောင်ရေးဗဟိုရန်ပုံငွေ အကောင်အထည်ဖော်ရေးကော်မတီ ဥက္ကဋ္ဌ စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းနှင့် ကော်မတီအမြဲတမ်းအတွင်းဝန်များ၊ ဦးဆောင်ညွှန်ကြားရေးမှူးနှင့် ညွှန်ကြားရေးမှူးချုပ်များ တက်ရောက်ကြသည်။ အစည်းအဝေးတွင် ဒုတိယဝန်ကြီးက ရေရှည်တည်တံ့ ခိုင်မြဲသော အမျိုးသားပင်စင်စနစ်ဖြစ်ပေါ်စေရန် ရည်ရွယ်၍ ဝန်ထမ်းနောင်ရေးဗဟိုရန်ပုံငွေစနစ် အကောင်အထည်ဖော်ရေးကို ဆက်လက်ဆောင်ရွက်သွားမည်ဖြစ်ကြောင်း၊ ဝန်ထမ်းနောင်ရေး ဗဟိုရန်ပုံငွေသည် ရေရှည်ဆောင်ရွက်ရမည့် ကိစ္စဖြစ်၍ နိုင်ငံတော်စီမံအုပ်ချုပ်ရေးကောင်စီက မိမိတို့ကော်မတီကို ပြန်လည်ပြင်ဆင်ဖွဲ့စည်းပေးပြီးဖြစ်ပါကြောင်း၊ ထို့ကြောင့် မိမိတို့ကော်မတီ အနေဖြင့် ဆက်လက်ဆောင်ရွက်ရန်ကိစ္စများ၊ ကြိုတင်ပြင်ဆင်ဆောင်ရွက်ထားသင့်သည့် ကိစ္စများ၊ ဉပဒေကြမ်းနှင့် ပတ်သက်၍ ဆောင်ရွက်သင့်သည့် ကိစ္စရပ်များကို ဆွေးနွေးညှိနှိုင်းဆောင်ရွက်သွား ရမည်ဖြစ်ကြောင်း ပြောကြားသည်။ ဆက်လက်၍ ဝန်ထမ်းနောင်ရေးဗဟိုရန်ပုံငွေ အကောင်အထည် ဖော်ရေးကော်မတီအတွင်းရေးမှူး၊ ပင်စင်ဦးစီးဌာန ညွှန်ကြားရေးမှူးချုပ် ဦးရဲညွန့်က ဝန်ထမ်းနောင်ရေး ဗဟိုရန်ပုံငွေ အကောင်အထည်ဖော်ရေးနှင့် စပ်လျဉ်း၍ ဆောင်ရွက်ပြီးစီးမှုနှင့် ဆောင်ရွက်မည့် အခြေအနေများအား ရှင်းလင်းတင်ပြပြီး အစည်းအဝေးသို့ တက်ရောက်လာကြသော ကော်မတီဝင်များက အကြံပြုဆွေးနွေးခဲ့ကြပါသည်။ အကြံပြုဆွေးနွေးချက်များအပေါ် ကော်မတီဥက္ကဋ္ဌ ဒုတိယဝန်ကြီး ဦးမောင်မောင်ဝင်းက သုံးသပ်ဆွေးနွေးပြီး နိဂုံးချုပ်စကားပြောကြားကာ အစည်းအဝေးကို ရုပ်သိမ်းလိုက်သည်။

စီမံကိန်းနှင့် ဘဏ္ဍာရေးဝန်ကြီးဌာန၊ ပင်စင်ဦးစီးဌာနနှင့် ထိုင်းနိုင်ငံ၊ နိုင်ငံခြားရေးဝန်ကြီးဌာန၊ အပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စီ(TICA)တို့ Teleconference အစည်းအဝေးကို ၂၆-၁၁-၂၀၂၁ ရက်နေ့၊ နံနက် (၉:၃၀) နာရီတွင် ပင်စင်ဦးစီးဌာန၊ အစည်း အဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ပင်စင်ဦးစီးဌာနဘက်မှ  ဒုတိယညွှန် ကြားရေးမှူးချုပ် ဦးမင်းဇော်ဝင်းနှင့် အဖွဲ့ဝင်များမှ တက်ရောက်ခဲ့ကြပြီး ထိုင်းနိုင်ငံဘက်မှ TICA ဒါရိုက်တာ Mr. Charintip Yosthasan ဦးဆောင်သည့်အဖွဲ့၊ မြန်မာနိုင်ငံဆိုင်ရာ ထိုင်းနိုင်ငံ သံရုံး၏ ပထမအတွင်းဝန် Mr. Wuthikiat Chaicharna နှင့် ထိုင်းနိုင်ငံအစိုးရပင်စင်ရန်ပုံငွေအဖွဲ့၊ တာဝန်ရှိသူများ တက်ရောက်ခဲ့ကြပါသည်။ အစည်းအဝေးတွင် မြန်မာနှင့်ထိုင်းဘက်မှ တက် ရောက်သူ ကိုယ်စားလှယ်များအား မိတ်ဆက်ကြပြီး ပင်စင်ဦးစီးဌာန၊ ဒုတိယညွှန်ကြားရေးမှူး ချုပ် ဦးမင်းဇော်ဝင်းမှ မြန်မာနိုင်ငံ၏ နိုင်ငံ့ဝန်ထမ်းပင်စင်စနစ်၏ လက်ရှိအခြေအနေများ၊ ပင်စင်စနစ်ပြုပြင်ပြောင်းလဲရေး ဆောင်ရွက်မှု အခြေအနေများ၊ ဝန်ထမ်းနောင်ရေး ဗဟိုရန်ပုံ ငွေ ထူထောင်ဆောင်ရွက်မှုနှင့် ITနှင့်ပတ်သက်သည့် ကိစ္စရပ်များအား ဆွေးနွေးခဲ့ပြီး ထိုင်း နိုင်ငံဘက်မှလည်း မြန်မာနိုင်ငံ၊ ပင်စင်ဦးစီးဌာနသို့ ဝန်ထမ်းများ စွမ်းဆောင်ရည်မြှင့်တင်ရေး နှင့် IT စနစ်တိုးတက်ရေးအတွက် ကူညီဆောင်ရွက်ပေးမည့်ကိစ္စရပ်များအား ရှင်းလင်းဆွေး နွေးခြင်း ဆောင်ရွက်ခဲ့ပါသည်။ ထို့နောက် ထိုင်းနိုင်ငံ TICA ဘက်မှလည်း လိုအပ်သည့် အချက် အလက် များ တောင်းခံသွားမည် ဖြစ်ပြီး ပင်စင်ဦးစီးဌာနဘက်မှလည်း ပေးပို့နိုင်ရေးအတွက် ဆွေးနွေးခြင်းများ ဆောင်ရွက်ခဲ့ကြပြီး အစည်းအဝေးကို နံနက်(၁၁:၀၀)နာရီတွင် ရုပ်သိမ်း ခဲ့ပါသည်။

ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ (၂၀-၁၁-၂၀၂၁) ရက်နေ့တွင် မန္တလေးတိုင်းဒေသကြီး ပင်စင်ဦးစီးမှူးရုံးသို့ ရုံးလုပ်ငန်းများ သွားရောက်စစ်ဆေး၍ ရုံးဝန်ထမ်းများနှင့် တွေ့ဆုံကာ လိုအပ်သည် များ မှာကြားခဲ့ပါသည်။

ပင်စင်ဦးစီးဌာနတွင်း ဝန်ထမ်းနောင်ရေး ဗဟိုရန်ပုံငွေစနစ် အကောင်အထည်ဖော်ဆောင်ရေး လုပ်ငန်း အဖွဲ့၏ ဒုတိယအကြိမ်အစည်းအဝေးကို ၂၉-၁၀-၂၀၂၁ ရက်နေ့၊ နံနက် (၁၀:၀၀) နာရီတွင် ပင်စင်ဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ ဌာနတွင်းလုပ်ငန်း အဖွဲ့၏ ဥက္ကဋ္ဌ၊ ပင်စင်ဦးစီးဌာနမှ ညွှန်ကြားရေးမှူးချုပ် ဦးရဲညွန့်၊ ဒုတိယဥက္ကဋ္ဌ ဒုတိယညွှန်ကြားရေးမှူး ချုပ် ဦးမင်းဇော်ဝင်းနှင့် လုပ်ငန်းအဖွဲ့ဝင်များမှ တက်ရောက်ခဲ့ပါသည်။ အစည်းအဝေးတွင် ဌာနတွင်း လုပ်ငန်းအဖွဲ့၏ ဥက္ကဋ္ဌ၊ ပင်စင်ဦးစီးဌာန၊ ညွှန်ကြားရေးမှူးချုပ် ဦးရဲညွန့်မှ အဖွင့်အမှာစကားပြောကြား၍ ဌာနတွင်း လုပ်ငန်းအဖွဲ့၏ အတွင်းရေးမှူး ပင်စင်စနစ်ပြုပြင်ပြောင်းလဲရေးဌာနခွဲ၊ ညွှန်ကြားရေးမှူး ဦးမိုးကြည်မှ ဝန်ထမ်းနောင်ရေး ဗဟိုရန်ပုံငွေဥပဒေကြမ်းအပေါ် ပြန်လည်ပြင်ဆင်မည့် ဥပဒေပုဒ်မများ နှင့် စပ်လျဉ်း၍ ပုဒ်မတစ်ခုချင်းအလိုက် ရှင်းလင်းတင်ပြခြင်းများ ဆောင်ရွက်ခဲ့ပါသည်။ ထို့နောက် အစည်းအဝေးသို့ တက်ရောက်လာသော ဌာနတွင်းလုပ်ငန်းအဖွဲ့ဝင်များမှလည်း ဆွေးနွေးခြင်းများ၊ အကြံပြုမှတ်ချက်ပေးခြင်းများ ဆောင်ရွက်ခဲ့ပြီး အစည်းအဝေးကို ညနေ (၄:၀၀)နာရီ တွင် ရုပ်သိမ်းခဲ့ပါ သည်။

စီမံကိန်းနှင့်ဘဏ္ဍာရေးဝန်ကြီးဌာန၊ ပင်စင်ဦးစီးဌာနတွင် လစ်လပ်လျက်ရှိသော ဒုတိယဦးစီးမှူး (လစာနှုန်း ကျပ် ၂၁၆၀၀၀-၂၀၀၀-၂၂၆၀၀၀) ရာထူး (၂၅) နေရာ၊ စိစစ်ရေးမှူး-၄ (လစာနှုန်း ကျပ် ၁၈၀၀၀၀-၂၀၀၀-၁၉၀၀၀၀) ရာထူး (၂၅) နေရာ၊ ယာဉ်မောင်း-၅ (လစာနှုန်း ကျပ် ၁၆၂၀၀၀-၂၀၀၀-၁၇၂၀၀၀) ရာထူး (၃) နေရာနှင့် ရုံးအကူ (လစာနှုန်း ကျပ် ၁၄၄၀၀၀-၂၀၀၀-၁၅၄၀၀၀) ရာထူး (၂) နေရာများအတွက် သတ်မှတ်အရည်အချင်းနှင့် ကိုက်ညီသူများ လျှောက်ထားနိုင်ပါသည်။

သတ်မှတ်ချက်နှင့် လျှောက်ထားရမည့်ပုံစံ အသေးစိတ်အား ပူးတွဲပါ PDF File တွင်ကြည့်ရှုပါ။

ကြည့်ရှုရန်